صباح أومساء الخير ع حسب رؤيتكم للموضوع وسنه جديده ويارب تبقى سعيده ع المسلمين اجمعين
كلنا عارفين البتنجان المخلل طبعا بس النهارده جيباه بطريقه مختلفه وسهله وطعم احلى من التقليدى
المقادير
بتنجان رومى (مقطع دوائر او حسب الرغيه ) وترشى عليه ملح عشان ينزل الميه وم يشربش زيت
طماطم + فلفل أحمر+ جزر مبشور +توم +عودين بقدونس +ملح وكمون +خل وجنزبيل
الطريقه م فيش اسهل منها بامر الله
نقطع الطماطم جوانج رفيعه ذى كده
نضيف الملح والكمون ع التوم وندقهم مع بعض لحد م ينعم وبعدين نضيف الفلفل واستمرى بقى ف الدق براحتكلحد م يبقوا كده
ونضيف عليهم ربع م جنزبيل + م كبيره خل
ونضيفهم ع الطماطم
ونقلب كويس وبعدين نضيف الجزر المبشور وعودين البقدونس ونقلبهم مع بعض يشربوا م التتبيله
وف الوقت اللى بعمل فيه ده بستغله ف قلى البتنجان بعد م تنفضيه كويس من بواقى الملح اللى عليه
وبعدين ترصى البتنجان ف طبق وتحطى عليه تتبيله الطماطم اللى عملناها وده شكلها
وده شكله النوهائى
ملحوظه : ممكن تعملى الطريقه بفلفل اخضر عادى حسب م انتى عايزة وبتكون نفس الطعم
ممكن تستخدمى عصير ليمون بدل الخل وبردوا نفس الطعم
البقدونس وجوده اختيارى للقضاء ع ريحه التوم وممكن تستغنى عنه او تبدليه بكسبره خضره او كرفش
وبالف هنا طبعا وممكن تعملى كميه كبيره وتحفظيها ف التلاجه ف علبه بلاستيك وتستخدميها وقت الاكل
ان شاء الله طعمها يعجبكوا وتعتمدوها طريقتكم وكالعاده هــ طلب منكم دعوة بظهر الغيب
ربنا يقربنى من ابن الحلال اللى امه دعياله بالسعد والهنا انا وبنات المسلمين جميعا مواضيع هذا القسم برعاية
فوضت الامر لله فوضت الامر لله 67661_6.gif سوبر فتكات Fatakat 67661 ف الدنيا اللى وجعتنى قوى – egypt