بسم الله الرحمن الرحيم
اخواتي الفتوكات المحتاسات
بجد بجد بجد ربنا معاكم ومع كل عروسة انا مش لسه بقيت عروسة بس اختي الزغنونة توبتني خليتني بدات اقلق من الموضوع بسبب اللف والبهدلة اللي انا اتبهدلتها
عامة مش حطول عليكم
احنا كنا بندور علي الاتي
فستان فرح جميل حلو انيق شيك مناسب للميزانية(((((((((((وشراء))))))))))))
ودي كانت مشكلة لان اغلب اسعار الشراء بتبقي اوفر علي حسب ما بنسمع
وبالنسبة للتفصيل فده مش مضمون وصراحة كنا سايبينه اخر حاجة وكان ربنا رازقنا بفتوكة من هنا شغلها رائع بس بابا قال لا التفصيل اخر حاجة بعد ما نزهق
المهم ربنا اكرمنا ورزقنا بكذا مكان اسعارهم حلوة جدا ححاول اكتبلكم كل مكان بالعنوان ورقم التليفون وحدود الاسعار عندهم وربنا يوفقكم
1/الموسكي
*كوكب العومري 27ش الموسكي ت:25938817
المحل راااااااااااااائع والفساتين حلوة اوي ولا تقولي سوري ولا تركستاني بجد ما شاء الله
الاسعار عندهم بتبتدي من800 جنيييييية ايوة 800جنية واعلي حاجة 1000 بتعتمد علي القماش والتطريز وكل حاجة وبعدين ممكن تنقي اي موديل باي لون يعني ابيض او اوف وايت او الون عادي يعني
*ندا في اول الموسكي علي اليمين من ناحية درب البرابرة
رااااااااااائع بس اسعاره شديدة يعني ابتداء من 2400جنية وانتي طالعة بس ساعات بيعملوا خصومات حلوة وبعدين كل الفساتين هاند ميد
*قدام ندا في كذا محل فاتحين جديد فساتينهم شكلها حلو بس صراحة احنا ما دخلناش جوة بس الاسعار ابتداء من 1300جنية
*اوعي تنسي الموسكي ابدا سواء حتجيبي الفستان من هناك او من اي مكان لان الطرحة والبدي التل والتاج والجيبونة والباندانا والاكسسوار وكل حاجة غير الفستان هناك اسععارها مش معقولة يعني الجيبونة ب150برة في الموسكي 25
الطرحة 300 او 250 حتلاقيها 65
البدي ب400حتلاقيه ب55
علي فكرة الاسعار ده بجد ومش بهزار وفاصلي اوي في الحاجات ده
2/روكسي
*اتيليه زي القمر 3ش بطرس غالي سنتر روكسي الدور الثالث ت:0111239001-01526227880
عندهم فساتين تركي وسوري جباااااااااااارة
ابتداء من 2024 جنية
*اتيليه الخواجة مدام دلال 10 ش بطرس غالي سنتر عنابة الدور الاول روكسي ت:0129737002
عندها فساتين جميلة جد وشكلها حلو اوي ابتداء من 2400وانت طالعة معاملتهم شيك جدا جدا جدا
*سنتر عنابة والسنتر اللي قدامة كلهم محلات تاجير او شراء اسعار مختلفة ومتفاوتة علي حسب مصدر الفساتين وتطريزهم وهكذا
3/شارع 26يوليو
*محل في اول الشارع قدام بنك فيصل الاسلامي عنده فساتين حلوة وشيك ابتداء من 1900 جنية
4/ممر الكونتيننتال
*في مجموعة محلات كتير حوالي 7 او 8 محلات في السوري وفي المصري وبتتراواح الاسعار من1400 لحد 1900 وما شفتش اعلي من كده
5/سلسة محلات مالبي malby
وهي مجموعة محلاتي المفضلة
ميدان الاوبرا 22589668 في مول اسمة مول الاوبرا وده الفرع الرئيسي
روكسي بجوار ابو حيدر 24011080
7ش عباس العقاد مدينة نصر 24021033
المحلات ده بجد تحفة بس عندهم مشكلة اوعي تسيبي البنات اللي هناك تختارلك الفساتين انتي دوري بنفسك افرزي كويس اوي دوري علي كل الشماعات حتتعبي شوية بس بجد مش حتندمي ابدا
الاسعار هناك بتبتدي من 950 جنييييييييييييةلحد 4000 وصدقيني لما اقولك ان في حاجات اسعارها قليلة جدا احلي من الغالي
هو ده المحل اللي ربنا وفق اختي وجابت منه الفستان والحمد لله كنا في حدود الميزانية
عيب المحل ان اكسسوارات الفساتين غالية يعني البدي مثلا ب400 والطرحة350 وهكذا
فافضل شئ تجيبي الفستان بس وبعدين تنزلي الموسكي زي ما بقولكم ووالله نفس الحاجة هي هي باحلي اسعار
يا رب اكون افدتكم يا بنات وادعوا لاختي ربنا يجيبلنا بابا بالسلامة ويتمملها بالف خير ويرزقني بالخير ويحققلي دعاءي يارب
hawasin hawasin فتكات متميزة Fatakat 400792 القاهرة – مصر
سبحان الله و بحمده