صباح الخير يا أحلى فتوكااااااااااااات فى الدنيا
انا كنت نزلت أفكاااارى لفرحى وفى بنات كتير سألونى عن الطريقة
وده لينك الموضوع لو نسيتوه
https://fatakat.univanet.com/#5181519
انا هبدأ بأسهل حاجة وهى الشرايط اللى هيهيصوا بيها فى الفرح ان شاء الله
اللى هى دى
اول حاجة هتشوفى العدد اللى انتى عايزاه كام خلينا مثلا نتكلم على 20
ايه الحاجات اللى هنحتاجها
** 21 خلة اللى هى بتاعت الشيش طاووق بتتباع عند اى سوبر ماركت كبير الكيس بـ 4 جنية فيه 100
** شرايط ستان رفيعه 6 متر ابيض و5 متر اى لون تانى فوشيا بينك موف لبنى اى لون ( المتر من الشريط الستان ده بـ 50 قرش )
** هتجيبى كمان 2 متر شريط ترتر برضو بـ 50 قرش المتر وده هيفيدنا فى الكاسات كمان وهاتيه ابيض
وللى مش يعرفوه جبتلكم صورة ليه اهو بس موف
https://encrypted-tbn2.gstatic.com/i…vq6fS5kmLTHMHw
** هنحتاج كمان مسدس شمع واكيد طبعا الشمع بتاعه او اى مادة لاصقة يعنى فى غرا الحصان مثلا من اى مكتبة او امير اللى بيلزق ده بردو
** مقص
دى الحاجات اللى هنحتاجها عشان نعمل الشرايط
الطريقة بقا
هتجيبى الستان اللى اشتريناه فوق ده
وهتحطى الأبيض على اللون التانى عشان يبقوا متساويين وتقصى قد شبر ونص تقريبا كده هيبقا عندك 20 شريطة اللون اللى انتى جبتيه
و20 شريطة ابيض وهيتبقا عندك متر ابيض عشان احنا كنا جايبين الأبيض أكتر
المتر اللى اتبقا ده قصيه 4 قطع اتنين طوال شوية واتنين أقصر حبة صغيرين ( عشان دول هيبقوا الشريط بتاعك انتى بقا يا عروسة )
*** دلوقتى بقا عندنا شريطه ابيض وعليها شريطه اللون التانى الزقيهم فى بعض من الطرف بس يعنى مش تلزقى الشريطه كلها تؤتؤتؤتؤ
وبعدين الحتة اللى لزقتيها دى حطى عليها شمع تانى او المادة اللى بتلزقى بيها بسسسسسسسسسسسس من عند الناحية البيضا
( يعنى لما لزقنا الشريطين على بعض من الطرف بقا عندنا جنب ابيض و جنب لون تانى انتى بقا هتحطى شمع على الجنب الأبيض )
وهاتى بسررررررررعه العصاية بتاعت الشيش الطاووق قبل ما الشمع يبرد والزقى الشرايط عليها
وهكذا لحد لما تخلصى ال 20
نيجى بقا للشريطة بتاعتك انتى يا عروسة اللى هتبقا ابيض بس
فاكرة شريط الترتر اللى جبناه ؟
يلا هاتيه
وهاتى الشرايط البيضا اللى قصيناه فوق ( المتر اللى كان متبقى فاكراه ؟ )
وقصى من شريط الترتر على قد كل قطعة من القطع ال4 الأبيض والزقيهم عليهم
كده بقا عندك 4 شرايط ابيض بالترتر الزقى ال 4 مع بعض من الطرف فوق
والزقيهم على العصايه بتاعت الشيش طاووق بتاعتك
وقصى من الترتر ده على قد العصاية نفسها والزقيه عليها
انا كده خلصت يا بنات الشرايط دى
يارب بس أكون قدرت اوضحلكم الطريقة من غير صور لأنى للأسف ماصورتش لما كنت بعملهم
المشاركة الجايه هقولكم على طريقة عمل أساور الوصيفات
انا كنت قولتها قبل كده فى الموضوع الأصلى اللى فوق ده
بس عشان خاطر عيووونكم هقولها تانى عشان مش تتوهوا وانتو بتدوروا عليها
ملحووووووظة
( اللى مش هتقيم ربنا يسامحها والله )
حياة فؤاده حياة فؤاده 936094_2.gif فتكات متميزة Fatakat 936094 الفيوم – مصر