عملت أمبارح أكل كان طعمه حكااااااااية مكرونة بالكريمة و البروكلى ولحمة ضانى زى الكباب كده عملتها فى أسياخ
تعالوا شوفوا نبتدى بالمكرونة
حنسلق المكرونة عادى جداااا أى نوع تحبوه كله شغااااال
الصوص بقى نجيب فصين توم محترمين كده و اللى يحب يكتر فى التوم براحته
نفرمهم و ننزل بيهم فى طاسة مع شوية زبدة يدوبك على طول تحطى البروكلى عشان التوم بيتحمر بسرعة وإحنا عايزينه أبيض كده يدوب تشويحه…. البروكلى كمان مش بياخد وقت تقليبه سريعة كده و تحطى عليهم الكريمة وياريت تكترى فى الكريمة عشان الصوص يكون كتييييير و الطعم ظااااهر ممكن مثلاً كوباية و نص كريمة حسب كمية المكرونة طبعاً
فى إضافة هنا ممكن تعمليها بقطع فراخ مخليه تبقى تحفففة بس طبعاً الفراخ حتتسوى الأول قبل مانحط البروكلى والكريمة
ممكن نرش على الوش جبنة فى الآخر لو تحبى
نيجى بقى اللحمة
أولاً التتبيلة مهمة أوى
عبارة عن ( صوص الباربيكيو – بابريكا – خل أحمر و رشة ملح ) و قطع لحمة حلوة كده مقطعة قطع مش كبيرة و الدهن اللى فيها بقى حيعمل أحلى شغل
نسيبها فى التتبيلة ساعة
ونجيب السياخ الخشب و نحط اللحمة فيها و على الشواية بقى أنا خدتها صدمة كده و بعدين حطيت السياخ فى الفرن و معاهم شوية جزر و بطاطس قطع كبيرة و حطيت عليهم باقى التتبيلة و غطست بورق الفويل و على الفرن سيبيها نص ساعة بس بصى عليها عشان لو أحتاجت مية لا تتحرق
بس كده و دوقى بقى أحلى كبااااااب
مواضيع هذا القسم برعاية
mayuoz mayuoz 94832_87.gif سوبر فتكات Fatakat 94832 Alex – Egypt