ازيكم يا قمرات
انهارده هقدم لكم اكله سهله اووى وطعمها يجنن والله
كنت قبل كده قدمت لكم كبده الفراخ بصوص الدمى جلاس على الرابط ده
كبده الفراخ بصوص الدمى جلاس سهله وروعه من مطبخى بالصور
وانهارده برده هنستعمل صوص الدمى جلاس الجاهز الى ورتهولكم قبل كده
وده اول موضوع اعمله بعد ما بقيت شيف فتكات واحب اشكر الاداره والمشرفات والمراقبات على الثقه الغاليه ده
المقادير
نص كيلو لحمه مقطعه شرائح متوسطه
هنتبلها بملح وفلفل وزعتر وبهارات وعصير ليمونين ونص كوب خل
2 معلقه دمى جلاس مدوبه فى نص كوب مايه
2 معلقه كبيره مسترده
نص كوب كريمه لبانى او قشطه وهتدى نفس النتيجه
زيت او سمن لتشويح اللحمه
اسباجتى مسلوقه
الطريقه
هنتبل اللحمه ونسيبها شويه كده
هنسخن الطاسه على النار مع شويه زيت
وننزل بالحمه تاخد صدمه حوالى 3 دقائق على كل جنب
ونحضر الدمى جلاس فى نص كوب مايه
بعد كده نرفع الحمه ونسيب اثارها فى الطاسه منغسلهاش لانها هتدى طعم حلو اووى
نحط عليها المسترده
والصوص الدمى جلاس
ونرجع اللحمه تانى تاخد غلوه بس
وفى الاخر نضيف القشطه او الكريمه
ونطفى النار وطبعا الكريمه هتفتح اللون وهتدى طعم يجنن
وبكده تكون جاهزة للتقديم
انا قدمتها مع اسباجتى مسلوقه وبعدين شوحتها شويه مع نقطه زيت علشان تبقى مفلفله
وده الشكل النهائى
زوووووووووووووووووم
اقرب للتجويع
يا رب تكون عجبتكم وتجربوها
ومتنسوش الردود والتقييم ده اول موضوع ليا بعد ما بقيت شيف رسمى فهمى نظمى ههههههههههه
سلاموز يا قمرات
مواضيع هذا القسم برعاية
شروق الشمس 2024 شروق الشمس 2024 282785_28.gif ربنا يشفيكى يا أمى Fatakat 282785 مع جوزى – فى بيتى