لحمة مشوية خرافة و رز بالبهارات و بالصور الكتير لاحلى فتوكات

اهلا اهلا بالحلوين
ازيكم
انا عملت لحمة مشوية و قلت اجي اشاركم الطريقة و طريقة الرز بالتفصيل الممل جدا
هنتبل اللحمة و تكون شريح بتلو رقيقة عشان تستوي علطول و متحتجش تدقيها
التتبيله لنص كيلو لحمة (( بصلة وسط – طمطماية وسط – معلقة كبيرة دبس رمان – معلقتين خل – لمونة – ملح – فلفل – كاري – جنزبيل – قرفة – توم بودرة ))
هنحطها اقل حاجه ساعتين و بعدين ع الشواية الجريل اللي شبه المقلايه و معاها معلقتين زيت زيتون و ربع كوبايه مية و نغطيها شوية لحد ما تدخل قي السوا و بعدين نسيبها تنشف و تتشوى حلو و ده شكلها النهاااائي

اما الرز فكان باقي شريحه لحمة محبتش ارمها حطيتها معاه
و دي المكونات
جزر و بصل و لحمة

هنشوح البصل في معلقة زيت زيتون

خنحط البهارات (( كاري توم بودرة – جنزبيل – كركم – فلفل – لوري مطحون – حبهان مطحون )) و نحمصهم مع البصل

هنحط اللحمة و نقلبها و بعدين نزود شوية مية و نسيبها شوية

هنحط الرز و الجزر (( اه نسيت اقولكم الرز ده بسمتي منقوع في المية ))

هنحط المية و نسيبه لحد ما يتشرب و بعدين نوطي عليه خالص و ده الشكل النهائي

و كمان واحده

و في الاخر لو محدش قيم هزعل مووووت يرضيكم يعني مواضيع هذا القسم برعاية

Menna Hany Menna Hany images/avatars/pacifier.jpg فتكات هايلة Fatakat 681754 بورسعيد – مصر

سبحان الله و بحمده