زى العنوان طبقنا النهاردة هو
كوردون بلو بالسوسيس والموتزاريللا مع سباجتى بالفراخ والمشروم
هنجيب صدور الفراخ المخلية ونقطعها شرائح سميكة شوية مش اوى عشان نقدر نحشيها
وبعدين نشقها بالراحة خالص بالسكينة عشان مش تتقطع ونتبلها بملح فلفل توم مجفف وزعتر وممكن تحطى الزعتر على البقسماط
نحشيها جبن موتزاريللا شرايح رفيعة من السوسيس او الهوت دوج بكون سلقاه فى ميه مش كتير وعليها ملح مش كتير بس مش تمليها عشان الجبنة مش تخرج اثناء القلى
نقفلها كويس وع البيض والبقسماط
ملحوظة البقسماط بتاعى بعمله من العيش الشامى وهو طالع مباشرة من الفريزر اطحنه فى الكبة ناعم جدا
وشيليها فى التلاجة او لو مستعجلة فى الفريزر وبعدين حمريه ومستوى الزيت يكون واصل لنص سمك الكوردون بلو مش يغطيها
اسلقى الإسباجتى وفى مقلاه واسعة شوحى توم مش تحمريه وضيفى قطع الفراخ الصغيرة (مشوية او مسلوقة) ثم شرائح المشروم ملح مش كتير واحسن خليه للاخر ممكن مش تحتاجيه خالص وفلفل اسمر وزعتر وقليل من صويا صوص لايت ومعلقة صغيرة سكر ومكعب مرقة لحم او خضار
وقلبى السباجتى فى الصوص ده وقت التقديم على طول
وادى الشكل النهائى
جربوها طلعت روعة جدا طعم الفراخ البانيه مع السوسيس المدخن والموتزاريللا المكس ده خرافة مع بعضه بس الهوت دوج الوحيد الى بيكون مدخن هو حلوانى او الحسن والحسين وافضل حلوانى
وبالهتا يا فتوكات
]
التقييم بقة يا فتوكة وانتى نازلة مواضيع هذا القسم برعاية
ام هاجر و عبد الرحمن ام هاجر و عبد الرحمن images/avatars/peppers.jpg سوبر فتكات Fatakat 423655 دمنهور – مصر