السلام عليكم ورحمة الله وبركاته
ردوا السلام يا قمرات
اللهم صل وسلم وبارك على سيدنا محمد
عاملين ايه يا احلى فتوكات
هادخل فى الموضوع على طول
طبعا الشاور ده شىء طبيعى فى كل بيت
لكن اللى اعرفه ان اى واحد بعد الشاور بيكون فايق ورايق ومصحصح على الاخر
انا بقى بيحصل معايا بالعكس والله العظيم علشان كدة عمرى ما استحميت الصبح ابدا
اولا الشاور بتاعى نص ساعة معرفش ده عادى ولا كتير وبستحمى بميه سخنة او دافية
المهم بعد ما اخد الشاور بطلع من الحمام بكون جعانة جدا حتى لو كنت شبعانة قبل الحمام
وبيكون عندى خمووووول رهييييب وكسل وجسمى مكسر جدا وعضمى واجعنى زى مايكون مضروبة علقة
او بقالى اسبوع ما نمتش وعندى صداع وبردانة وعمالة اتاوب 
وعينيا بتقفل لوحدها لدرجة انى مش قادرة اسرح شعرى
ولا حتى انشفه
وبعد كل ده بدخل انااااااااااااااااااام نوم عمييييييييييييق ساعتين تلاتة على حسب بقى
وبعد ما اصحى بكون فايقة على الاخر
الناس العادية بتصحى الصبح بدرى تاخد الشاور بتاعها علشان تستقبل يومها نشيطة ومصحصحة
انا بقى لو عملت كدة هايكون يومى زى الفل بالظبط زى الفرخة الدايخة
كل ده بيحصلى لما بغسل شعرى لكن لو اخدت شاور جسمى بس
بدون غسيل الشعر
بكون عادى جدا ونشيطة
يا ترى ايه السبب انا والله العظيم تعبت
يمكن تكون اعراض حمل مبكرة
انا عمرى 26 غير متزوجة والضغط عندى منخفض لكن مش دايما
وبقاله شهور طويلة الحمد لله الضغط كويس ومظبوط
ياترى ده له علاقة باللى بيحصلى
ياريت تفيدونى يا قمرات
يعنى اروح لدكتور اكشف ؟ طيب اى تخصص والله حاسة
لو رحت لدكتور وقولتله كدة هايضحك عليا
هايقولى قومى يلا عندى حالات اهم منك
اعمل ايه بقى افضل كدة من غير مااستحمى على طول
والله العظيم انا مش ببالغ ولامزودة فى الكلام
اسفة جدا انى طولت عليكم
يااااارب اللى تفيدنى ربنا يبارك لها ويفرح قلبها ويسعدها
ويرزقها من حيث لا تحتسب يااااااااااااارب
ربنا يجعله فى ميزان حسناتكم جميعا
ويرزقنا الجنة بدون حساب ولا سابقة عذاب يارب
بحبكم فى الله
marmar87 marmar87 134985_4.gif امبراطورة فتكات Fatakat 134985 مدينة نصر – ام الدنيا مصر ربنا يصلح حالها يااااااااا رب