السلام عليكم يا فتوكات
مش عارفة اقول ايه بس بصراحة انا حاسة انى مخنوقة ومنهارة داخليا وخارجيا
وزهقت من النكد والقرف والتفكير والقلق
ومش مستعدة اكمل حياتى بقرحة فى المعدة بسبب التوتر ولا بقولون عصبى
ولا غيره
واعتقد ان كل المكتئبين اللى هنا زيي ولا ايه؟
وقررت اعمل الموضوع ده عشان اقول
-انى معنتش عايزة حاجة مش ليا
-انى راضية بكل اللى ربنا يجيبه
-انى هعمل اللى عليا واسيبها على الله
-انى هعيش اللحظة ومش هفكر فى اللى فات ولا فى اللى جاى
-انى مش هلوم وهقطم فى نفسى اكتر من كده عشان انا جيت عليها كتير
-انى مش هعمل م الحبة قبة وهاخد الحياة ريلاكس
-ان افكارى هى السبب فى تعاستى او سعادتى (طبعا بعد ارادة ربنا)
-ان القرب من ربنا مش شرط يخلينا نخاف ونفكر فى الموت كل لحظة او نستناه
لان الحياة ساعة وساعة زى ما الرسول (ص) قال
-انى هشغل وقتى بحاجات افيد م التفكير السلبى اللى انا مستسلماله وقاعد يدمر فيا
-انى مش هدور على اللى ناقصنى ومفيش ف ايدى حيلة
انما هدور ع اللى ناقصنى واقدر اجيبه
-كفاية حزن بقا بجد كفاية
اللى عايزة تضيف حاجة اهلا وسهلا بيها
ياريت عشان كلنا نستفيد
بصوا يا جماعة احنا اهتمينا كتير وحه الوقت اللى لازم نتجاهل فيه سبب حزننا بتكلم بجد وفيه كمان حاجة ممكن تساعد المكتئبين كهرباء مخهم قليلة جدا انما الغاضبين كهرباء مخهم عالية احنا بقا عايزين نتنرفز بدل ما نكتئب جربى كدا تتنرفزى شوية بدل الاكتئاب هتحسى ان الحياة ردت فيكى جربى ومش هتندمى بس بلاش افورة يعنى اتنرفزى فى حدود المعقول اوك يلا ربنا يفك كربنا
sowhat2016 sowhat2016 images/flowersavatars/avatar0026.jpg فتكات نشيطة Fatakat 702408 … – …