السلام عليكم ورحمة الله وبركاته يا فتوكاتى الحلويين وكل سنه وانتم بصحه وسعاده العيد خلاااص ان شا الله على الابواب وربنا يعيدوا علينا وعليكم بالخير واليمن والبركات
النهارده ان شاء الله هاقدم طبق لكفتة فول الصويا وان شاء الله ينال اعجابكم ونبدأ بسم الله
المقادير
كيلو الا ربع لحمه
بهارات لحمه او كفته
ملح
فلفل ربع كيلو بصل مفروم
تمن كيلو فول صويا مطحون
هنتكلم ان شاء الله عن بعض الحاجات المهمه فى المقادير اثناء شرح الطريقه
الطريقه
نجيب اللحمه المفرومه بس انا ماكنش عندى لحمه مفرومه جاهزه طلعت لحمه صحيحه
وفرمتها عندى فى المفرمه وكان عندى يجى ربع كيلو لحمه بتلو فرمتها
اصلها مش محبوبه عندى قلت لازم استغلها من غير ما حد ياخد باله
هادخلها فى الكفته احنا كده كده بنحط مع الكفته ليه او نسبة دهن
بس انا اكتفيت بالدهن اللى موجود فى البتلو ودا شكل اللحمه
ودا فول الصويا بيكون مطحون ساعات ومجروش ساعات لو مجروش لازم يتنقع ساعتين
لو مطحون مش ينفع ييتنقع خلااااص وانا جايباه من مترو ربع كيلو ب 8 جنيه والراجل حط
معاه بهارات كفته كمان ودا شكله
ودا البصل هفرمه فى المفرمه ودا شكله بعد الفرم طبعا فيه ميا هنصفيه طبعا
وبعدين حطيت عليها فول الصويا كده
واديتلها دور كمان ودا شكلها النهائى
وبعدين جبت البصل المفروم وصفيته بمصفاه وحطيت عليه ملح وبهارات
وفلفل ودا شكله
وضيفتهم على الكفته وقلبت كويس جدا لحد ما اتأكدت انهم امتزجوا ببعض جيدا كده
ودى مية البصل سيبتها على جنب وحطيت عليها ملح وفلفل وبهارات
وجبت ملعقه خشب وبدأت اصبع الكفته كده وابل ايدى بمية البصل
وحطيتها فى صينيه تيفال وعليها قطعة سمن بلدى صغيره
ودا شكلهم النهائى قبل ما يدخلوا الفرن
ودخلتهم الفرن من تحت وعلى الشوايه وطبعا الكفته هتنزل الدهن اللى فيها ماحدش يقلق
ولو حسيت ان الكفته نشفت وهى بتستوى ممكن ازود من مية البصل اللى اتبقت
وممكن نعملها فحمه بس انا وقتى كان ضييق ملحقتش اعمل فحمه
ودا برام مكرونه بشاميل
وقدمت الكفته مع طاجن مكرونه بالبشاميل كده
واتمنى ان طبق اليوم ينال اعجابكم ومتنسونيش من صالح الدعاء
ورد بسيط وطبعا التقييم المتين
مواضيع هذا القسم برعاية
mero_sh mero_sh 326490_4.gif فتكات غالية قوي Fatakat 326490 الدقهليه – القاهره