اذيكوا يا فتوكات يارب تكونوا كلكوا بخير وفي صحه وسعاده
انا عملت الكفته من غير اى دهون اللى بتبقي في اللحمه المفرومه الجاهزه وبرده من غير كبه ولا مفرمه
للى معندهمش تعالوا معايا اقولكوا ازااااااااى
المقادير:
ربع فرخه مخليه او قطعه لحمه بحجم نص كف الايد + بصله صغيره مبشوره + ملح وفلفل + بهارات لحمه + 2 الى 3 معالق بقسماط من غير اى اضافات
الطريقة :
اول حاجه لازم تكون اللحمه او الفراخ مجمده ومتكونش قعدت في الفريزر كتير علشان متفقدش قيمتها الغذائيه
وبعدين نبشرها بالمبشره بالعين الواسعه بتاعه البصل
وهنا اهم حاجه اننا هنضمن ان اللحمه مفيهاش دهون وفي نفس الوقت نقدر نعمل كفته من غير كبه ولا مفرمه
تعالوا نشوف الشرح بالصوررر
————————————
دى اللحمه بعد ما بشرتها
وهنا ضفت البهرات والبصله والبقسماط
وبعد كده نسيبها ساعتين في التلاجه ..
وهنا صبعتها وكبرتها شويه علشان هتكش
وفي طاسه سخنه ومعلقه زيت واحده بس نحط الكفته
هنا بعد ما قلبتها على الناحيه التانيه زودت معلقيتن ميه علشان أضمن إن اللحمه تستوى كويس وغطيت الطاسه وهديت النار
وهنا ولعت فحمايه صغننه وفي طبق قصدير من بتاع الكب كيك ونحط فوقها معلقه سمنه ونغطى الطاسه تانى بنفس الغطا
ودى من جوه
ودى بقي كفته الفراخ بنفس الطريييقه
وبألف هنا يا قمرااات
لو عجبكوا المووضوع ادعولى ربنا يرزقنى الذريه الصالحه المعافاه
مواضيع هذا القسم برعاية
نور 20 نور 20 163710_14.gif فتكات ست الكل Fatakat 163710 السعوديه – السعوديه