السلام عليكم ورحمة الله
********
أغلب الستات اللى بتعمل كفتة الفراخ بتفرم الفراخ فى الكبة أو المفرمة
أنا بقى لا عندى كبة ولا مفرمة حاقولك أزاى والمقادير والطريقة
المقادير
نصف كيلو فراخ بانية أو مخلية
ثمن كيلو برغل ناعم متنقى ومغسول ومنقوع
ربع كيلو بطاطس مهروسة
بصلة مبشورة
بقدونس مفروم
بيض وبقصماط
ملح + فلفل اسمر + قليل من الكمون والبهارات
الطريقة
علشان ماعنديش كبة ولا مفرمة حاعمل طريقتى الفتاكة اللى استخدمتها فى الطعمية
وهى انى حاجيب الفراخ بعد ماغسلتها وعسرتها جامد من المية وأحطها فى كيس
نايلون وأخرج الهواء من الكيس وأخرط بالمخرطة ولو لاقيت الكيس منفوخ أجيب
دبوس ابرة رفيع جدا واعمل 4 خروم متباعدة من الوجهين وبعد ماافرم الفراخ
أخرجها من الكيس وأفضيها فى طبق وأضع عليها البصل المبشور والبطاطس
المهروسة والبرغل بعد مااعصره جامد والملح والفلفل والتوابل والبقدونس وأخلطهم
كويس وأعملهم صوابع وفى البيض والبقسماط وبعدين القلى فى زيت ساخن
وكلى أحلى كفتة فراخ بالهنا والشفا
الكمية عملت 70 صباع تقريبا أو أكتر
يارب تعجبكم
ودة موضوعى بتاع الطعمية
تعالى أعلمك تعملى الطعمية من غير مفرمة ولا كبة000والله الستات ماحاتغلب
https://fatakat.univanet.com/#1756558
ماتنسوش التقييم لو عجبكم الموضوع مواضيع هذا القسم برعاية
beauty fotna beauty fotna 177734_1.gif فتكات غالية قوي Fatakat 177734 القاهرة – مصر