السلام عليكم ورحمة الله وبركاته
بصوا يا فتوكات الاسبوع اللي فات عملت كبسة باللحمه كانت تحفه عجبت جوزي اوي
وكمان لما حماتي داقتها قالتللي اعمللنا بكره تاني
وهقولكوا عالطريقة بس لازم تجربوها وتقولوللي ايه الاخبار
المقادير:
نص كيلو رز كبسه
كيلو لحمة او نص زي ماانتي عايزه
خلطة الكبسه (من السوبر ماركت)
2 بصلة مبشوره
معلقة كركم
نص معلقة قرفه
نص معلقة جوزة الطيب
نص معلقة زنجبيل
فلفل اسمر
ملح
الطريقة:
اول حاجه اسلقي اللحم لوحدها وبعدين شيليها من الشوربة وخلي الشوربة عشان هنحتاجلها
وبعدين اغسلي الرز كويس وسيبه منقوع في الماية
هاتي بقي البصلتين وابشريهم وحطيهم في السمنه لحد مايصفروه وبعدين حطي اللحمة علي البصل وقلبيهم عالنار
وبعدين حطي كل التوابل اللي انا كتباها وحطي معلقتين صغيرين من خلطة الكبسة وقلبيها لمدة خمس دقائق
وبعدين طلعي اللحمة وشليها علي جنب وحطي مغرفتين شوربه عالخلطة اللي عالنار وبعدين قومي جايبه الارز
وصفيه من المايه وحطيه في الحله علي طول وبعدين ابدأي زودي بالشوربه لحد مالعقد بتاعه تلاقيه كويس
وبعدين سيبيه يستوي علي نار هاديه زي الرز العادي
اخر خطوه هي التقديم وأهم حاجه الشكل
هتجيبي سرفيس وتحطي الرز وتحطي اللحمه من فوق وياريت لما تجربوها تقولوللي ايه الاخبار
وبالهنا والشفا مواضيع هذا القسم برعاية
أم بودي وأنوس أم بودي وأنوس 262652_8.gif فتكات ست الكل Fatakat 262652 حضن زوجي وولادي حبايبي – الحب والحنان
سبحان الله و بحمده