ازيكم يا فتوكاتى يللى كل ما اقرر انى منزلكمش حاجه تانيه علشان قله الردود والتقييم اضعف وانزل انتم عاملين ليا عمل ؟؟
عموما يلا مسمحاكم
تعالو نشوف طبق اليوم
كبــــــــــسه برتقال تفتح النفس وتجرى الريق
ودى صوره تعذيبيه
تعالو نشوف الطريقه بالتفصيل المميت
هنجيب فرختنا نغسلها كويس جدا جدا لان الفراخ لازم علشان تتبل كويس تتغسل كويس ونشرحها زى ما انتم شايفين اثار التعذيب عليها ونحضر التتبيله اللى هيه عباره عن بشر برتقاله وعصييرها وبصله مفرومه ومعلقه خل ومعلقه عسل ابيض وزعتر وعود قرفه وورق لورى وحبهان وملح وفلفل ونححشى فتحات الفراخ بالتتبيله وتحت الجلد ونتبلها كويس
نلفها بالنايلون ونحطها فى التتبيله اقل شىء 6 ساعات ونحشى الفتحات كويس بالتتبيله وتحت الجلد ونحطها فى وعاء صغير لضمان انها تتشرب اللتبيله كلها
نقطع شويه خضار اختيارى تحت الفراخ ونقلبه فى التتبيله بتاعت الفراخ ونضيف كوبايه مايه علشان هنختاجها فى رز الكبسه وندخله الفرن على نار هاديه لحد ما يدخل فى السوا ندهن الفراخ بالعسل الابيض ونفتح الشوايه
بعد الانتهاء من السو هناخد نص كوبايه من الصوص الناتج عن التسويه ونبدا فى عمل الرز
شايفين الشكل
طيب شامين الريحه
كده انتهينا من المرحله الاولى
هنيجى بقى نعمل الرز
بصه متوسطه فى قطعه زبده تدبل
ننزل على البصله بجزره مبشوره وقشر برتقال وورق لورى وحبهان ولمونه ناشفه وحبات قرنفل وكبيبه صينى
يدبلو انزل بالكركم والكارى والملح والفلفل
نضيف المايه لكل كوب رز اتنين مايه ومن ضمن العيار الصوص اللى ناتج عن تسويه الفراخ وعصير برتقاله واول ما يغلو ننزل عليهم بالرز
اول ما نلاقى ثقوب فى الرز نوطى عليه ونزود الزبيب
وتقليبه خفيفه ونسيبه يكمل سواه
ده الرز بعد ما استوى
هنغرف الرز وفوقه الفراخ ورشه مكسرات محمصه
وهنا معاه الخضار وسلطه الدقوس عباره عنه 3 فصوص توم نص كوبايه مايه فلفله حاميه ونص فلفلايه رومى واتنين طماطم ونقطتين خل ونضربهم فى الخلاط ضرب خفيف بحيث يكون فيهم كتل ميبقوش سالين اوى وبالهنا
اتمنى الموضوع يعجبكم ياحلوين ويااااااااريت تقيمونى بدل ما اسكت خالص انا بقولكم اهوه
مواضيع هذا القسم برعاية
do3a2 elsawy do3a2 elsawy 60434_7.gif سوبر فتكات Fatakat 60434 فى قلب جوزى حبيب قلبى – مصر