ازيكوا يا فتوكات؟؟ عاملين ايه
هنا هتلاقوا طريقة عمل الكبدة فى المحلات بالتفصيل https://fatakat.univanet.com/#5840828
النهاردة بقى هقولكم على سر ألا وهو من أيت تأتى كبدة المحلات؟؟
كبدة المحلات يا فتوكات بتبقى مستوردة يا إما أمريكي أو استرالى وبتيجى على تلاجات كبيرة زى تلاجة الناصر مثلا
وبعدين بياخدوها تجار الكبدة البانيه يشتروها من التلاجة ويودوها محلاتهم
طبعا الكبدة بتبقى مجمدة وسليمة مش متقطعة
المهم إن تجار الكبدة دول بياخدوها ويقشروها بحيث انهم يشيلوا الغشاء اللى عليها من بره وبيبقى عامل زى الشغتة كدة
وهوب وهى مجمدة يقطعوها ترنشات بواسطة آلة تقطيع الكبدة شبه آلة تقطيع اللانشون كدة وفى منها مانيوال واوتوماتيك
وبعدين تيجى مرحلة التوضيب إنهم يمسكوا الترنش يشيلوا فيه أى دهنة أو عرق عشان تعجب الزبون
والخطوة دى بينتج عنها قطع كبدة صغيرة لازق فيها حتت دهن ودى اللى بتتقطع وتتوزع على انها اسكندرانى أما الترنشات فتتكيس وياخدها الموزع ويروح بيها على محل محل يديهم وجبتهم من الكبدة البانية أو الاسكندرانى على حسب
طبعا الكلام ده بيحصل يوميا
أما بالنسبة لطريقة عميلها فى المحلات فده سر المهنة
هههههههههههه
لا بجد لو فيه أى استفسار أنا تحت أمركم
مواضيع هذا القسم برعاية
كرملة حمزاوى كرملة حمزاوى 1260737_1.gif فتكات متميزة Fatakat 1260737 القاهرة – مصر