كيفيكم ياحلوااااااااااااااااااااات
النهارده هقولكم علي طريقة كباب الحله ويارب يعجبكم
طبعا لازم في الاول ندي صور لزوم التشويق
اتفضلو
ننقول المقادير
نص كيلو لحمه صغيرة او كبيرة عادي بس هتاخد وقتالمهم انها مقطعه مكعبات
حبه طماطم متوسطه مقطعه جوانح
حبة بصل متوسطه مقطعه جوانح
معلقة سمنه
البهارات(فلفل-بهارات حلوة-بصل وتوم بودر-جنزبيل بودر-ورقتين لوري-ملح في الاخر خاااالص)
وادي صورة المقادير
اول حاجه هنسيح السمنه وانا حطيت مع السمنه حتتين دهن طلعو من اللحمه وانا بقطعها ونحط اللحمه تتشوح علي نار عاليه كده
وبعدين نحط التوابل كلها ماعدا الملح ونشوح
ونفضل نشوح فيها لحد ماللحمه كلها تتحمر شويه ويبقي شكلها كده
نروح حطين البصل والطماطم كده(ممكن نضيفلها فلفل اخضر او فلفل الوان)
بس كده نسيبها بقي تسوي نفسها هتنزل الصوص بتاعها وتتسبك فيه لو احتاجت ميه بنزود نص كوبايه بس
وده شكلها في نص التسويه
ولما تستوي بقي اللحمه نولعلها فحمايه
بي وتتغرف في الطبق كده
ممكن نقدمها مع رز ابيض او بسمتي وسلطة خضرا بس انا النهارده عملتها مع سلطة طحينه وهناكلها بعيش
طريقة سلطة الطحينه عشان ماتقولوش عليا بخيله
شوية طحينه علي حسب الكميه اللي هتعمليها
وعليهم لمونه معصورة
وشوية ملح وشويه شطه وشوية زيت
وفص توم مهروس
وتضربيهم مع بعض وتتخفف بميه
وبالف هنا
في طريقه لسلطة الطحينه بس مخصوصه للمحاشي كان قالهالي شيف في فندق انا جربتها وطلعت فعلا جمييييله والله ادي اللينك بتاعها للي عايزة تجرب انا جربتها في كميه قليله الاول بس عجبتني اوي
https://fatakat.univanet.com/#2199205
انا كده خلصت واي خدمه
مواضيع هذا القسم برعاية
القطه المشمشيه86 القطه المشمشيه86 515684_2.gif سوبر فتكات Fatakat 515684 القاهرة – مصر