ان شاء الله يابنات هعرفكم طريقة
كاسات الهوا للتخسيس + اللف التنحيفى
عشان تقدروا تعملوها فى البيت
من غير ما تروحوا تصرفوا اد كده عند الدكاتره
بس انا يبنات جمعت صور من النت
عشان بس اوضح الفكره وهيه تشبه كتير
فكره الحجامه
بس الحجامه ثابته ودى متحركه
وهيه اسمها الحجامه المتزحلقه
يعنى بتتزحلق يعنى
وهتعرفوا كده من الصور
وانا دورت على الفكره دى فى النت ملقتش حاجه زيها
هيه تشبه فكرة الـ ipg جهاز تكسير الدهون
بتاع اليومين دول
ودى الفكره القديمه ليها
بس الفرق انك تقدرى تعملى دى فى البيت
ومش مكلفه خااااااالص
انا شوفتها عند دكتور رجيم وعملتها فى البيت بنفسى
يعنى الموضوع ده من مجهودى الشخصى
وحصرى على مدونة فتكات ولا احلل نقله لمدونة اخر
بدون زكر مدونة فتكات
اللهم بلغت اللهم فاشهد
كاسات الهوا لتخسيس اى منطقه فى الجسم
فى البيت وبالصور + اللف التنحيفى
نبدء ببسم الله الرحمن الرحيم
اول حاجه هاتجيبى 4 حاجات
قطن + سبرتو ابيض من الصيدليه والعلبه ب 3.5 تقريبا
وبيبقه مكتوب عليها حكول طبى
+ برطمان صغير + زيوت لسهولة الحركه
قطن وسبرتو من الصيدليه تمام كده
ودى الصور
وبرطمان ازاز لازم يكون البرطمان زجااااااااج عشان هايكون فى نار
والبرطمان ده ممكن يكون برطمان نسكافيه صغير
او زبدة فول سودانى يعنى اصغر برطمان عندك
ومتخفيش مش هتتلسعى خالص
اما الزيوت دى فا ؤدامك حل من اتين
اما الوصفه اللى فى مواضيعى
اللى هيه زيت زيتون مع خل تفاح
والطريقه مظبوط موجوده فى مواضيعى
ودى وصفه تانيه
او زيت النعام
زيت القرفة
زيت القرنفل
زيت الخردل
زيت الزعتر
زيت الزيتون
زيت الافندر
من عند العطار
وفى الوصفتين هتحطى الزيوت
بنسب متساويه
بصو بقه كويس هنعمل ايه
اول حاجه هنخلط الزيوت مع بعض
وهندهن بيها مثلا منطقة البطن
وبعدين هانجيب البرطمان واى حاجه نسمك بيها
القطنه زى مثلا عصاية الشيش طاووك او مقص او المساكه
اللى بتقلبى وتشيلى بيها اى حاجه سخنه
ودى الصور
لو هتستخدمى عصاية الشيش طاووك يبقه هتسبيها فى الميه شويه عشان العصايه متتحرقش
هنولع البتوجاز وهندهن بطننا بالزيوت
ونلف حتة قطنه صغيره على العصايه ونحط القطنه فى السبرتو الابيض
او الكحول الابيض
تمام كده
هنحط القطنه وهيه فيها نار جوه البرطمان كده
وبسرعه فى ثوانى نحط البرطمان على البطن جامد
ونمشى بالبرطمان بالشكل ده
مره تروحى ناحية اليمين ومره ناحية الشمال
معلش بقه مش لاقيه صورة مظبوطه بس انتى هتمشى بنفس الاتجاه ده مره
وفى الاتجاه المعاكس مره تانيه بالبرطمان
فى ثوانى بقه كل شويه نحط النار فى البرطمان
ونمشى بالبرطمان على بطننا او اى مكان عايزه تخسسيه
وطبعا لازم تكونى داهنه بطنك بالوصفه عشان البرطمان يتحرك بسهوله
اللى مش عندها برطمان ممكن كوباية عاديه صغيره
بعد ما نخلص هنعمل مساج بسيط بادينا على بطننا
بعد كده هندهن تانى زيت ونبدء اللف التنحيفى
زى الصوره دى
هنستعمل ورق استرتش الى بيغلفوا بيه الاكل
وبعدين نمشى ساعه او نلعب رياضه
وتكررى العمليه دى 3 مرات فى الاسبوع
بطنك ان شاء الله هتختفى خاااااااالص
والله يا بنات انا عملتها مرتين
وانهارده المفروض تكون ال تالته بس لسه مش فاضيه اعملها
بس بان عليه من تانى مره والله
والمفروض انها تبان من المره ال 3 او 4
هناء بكرى هناء بكرى 293657_13.gif فتكات ست الكل Fatakat 293657 الجيزه – مصر