[b][i][color="#8B0000"][size="5"][font="Arial Black"]
ا
الشاورما وفته الشاورما السورى خلااااص بقت حصريا فى البيت مع كل تكاتها وحركاتها واسرارها
ومش عايزه افضل اقول انضف من برا وكده لان هى فعلا انضف وكمااااااااااااااااااااااااااااا احلى من اللى برا فى الطعم
ناخد بس اول طبق تصبيره
ندخل بقا على المكونــــــــــــات والطريقه:
-شاورما لحم
-عيش شامى مقرمش
-رز بسمتى
-توميه
تعالوا بقا ندخل على كل مرحله بالتفصيـل
(شاورما اللحم)
المقادير
-لحم مقطع شرائح رفيعه(وانا بحب اعمل الشاورما بلحم البوفتيك )
(والاسهل عشان تقطعيه انك تحطى اللحمه فى الفريزر تجمد وتطلعيه تقطعيها شرائح رفيعه
-التوابل (قرفه+ملح وفلفل+بهارات لحمه+بابريكا) معلقه صغيره من كل صنف
– معلقه كبيره خل
-ميه بصل وطماطم (هنضرب بصله وطماطمايه فى الكبه وبعدين نصفيهم وناخد الميه بـس
ونسيبها فى التتبيله دى من بليل
بعد ماللحمه اتبلت كويس من بليل بجيب مصفه واصفى كل الميه اللى نزلت منها
وبعدين اسخن طاسه تيفال واحط رشه زيت بسيطه و النار تبقى عاليه واحط اللحمه هتبتدى اللحمه تنزل ميتها وهتشربها تانى
هنا اللحمه قربت تشرب ميتها تانى وتستوى فيها نسيبها على نار عاليه منهديش عليها وفى الحاله دى بحط فص توم مفروم وورقه لورا واقلب تقليبه بسيطه
لغايه متتشرب كل الميه وتنشف
هنا اللحمه نشفت الميه منها واستوت كويس بولع فحمها وادخن الشاورما واغطى عليها
وكده الشاورما جهزت نسيبها بقا على جنب لغايه مانكمل باقى المكونات
______________
العيش المقرمش اللذيذ
ابتدى اجهز العيش
بجيب عيش شامى واقطعه مكعبات صغيره بمقص المطبخ
هنا عندك طريقتين
اما انك تحمصيه فى الفرن او تقليه فى الزيت
وانا بفضل اقليه فى الزيت
#تكايه مهمه بقا عند قلى العيش
الزيت يبقى غزير وسخن جدااااااااا علشان العيش ميشربش زيت معاكى
يعنى يدوب تحطى العيش من هنا مفيش ثوانى تلاقيه اتحمر معاكى
_
واول مالون العيش يبقى ادخل على جولد اشيله علطول لانه بيتحرق بسرعه
انا هنا بحب اتبل العيش
بحط عليه رشه ملح وزعتر واحطه ف مصفى الومنيوم علشن يصفى اى بواقى زيت ويفضل مقرمش
وكده خلصنا العيش
ــــــــــــــــــــــــــــــــــــــــ
نيجى بقا للرز
بحط ميه فى حله معاها معلقه كركم ومعلقه كارى ورشه قرفه ولومى ومكعب ماجى وملح وفلفل ومكعب زبده ومعلقتين زيت واسيبهم يغلوا واول مالميه تغلى بنزل بالرز واسويه عادى
والرز البسمتى بيبقى الميه اعلى بشويه من الرز العادى
وكده جهزنا الرز كمان
فاضل بقا التوميه
تابعونى
ـــــــــــــــــــــــــــــــــــــــــــ
التوميـــــــه
انا جربت طرق كتير وكلها طعمها كان استغفر الله
انما الطريقه دى هتعجبكم اووى زيى ان شاء الله
2بياض بيض+ليمونه صغيره+رشه ملح+5فصوص توم مفرومين كويس+1/2 كوبايه زيت زيتون
بس انا هنا استخدمت زيت عادى لانه مكنش عندى وحطيته فى العلبه بتاعت الكاتشب علشان يسهل عليا فى الخطوات الجايه
اول حاجه هنضرب بياض البيض فى الخلاط مع رشه الملح لغايه ماتبقى زى الرغاوى كده
بعدين ننزل بخيط رفيع من الزيت اثناء الضرب لغايه ماقاومه يتقل معاكى
وبعد ماتخلص كميه الزيت كلها نعصر ى نص ليمونه وتكملى ضرب هتلاقى قوامها جمد معاكى وتدوقى قبل ماتعصر ى نص الليمونه التانى علشان الليمون ميبقاش ظاهر اوى فيها لو احتاجت اعصرى النص التانى وكملى ضرب وهتلاقى قوامها تقل معاكى
ــ
هنا خلصت التوميه
وانا بجهزها قبل مابتدى فى اى حاجه من مكونات الشاورما واحطها فى التلاجه لانها كل ماتتحط فى التلاجه كل ماتبقى احلى
خدى التقييم فى ايدك بقا يافتوكه وانتى نازله بلاش تكسفونى مواضيع هذا القسم برعاية
angelsmile2311 angelsmile2311 963758_5.gif فتكات رائعة Fatakat 963758 my home – egypt