صباح الفل عليكم حبيباتي
النهاردة هنعمل طريقة
قوالب البطاطس
أو
كب البطاطس باللحم المفروم
وبالصور
يلا بسم الله ونبدأ
6 حبات بطاطس بالحجم الكبير
نص كيلو لحم مفروم , بقدونس مقطع صغير
ملح , فلفل , شوية بهارات
كوباية كبيرة صلصة طماطم خفيفة مش متسبكة
( يعني تاخد غلوتين ع النار بس )
ونضيف عليها شوية ملح ورشة فلفل اسود
هنعصج اللحمة ونضيف عليها الملح والفلفل
والبهارات
وبعدين نحط البقدونس
ونقلبها
وهتكون بالشكل دة
ونخليها على جنب
لحد مانجهز البطاطس
هنقشر البطاطس ونغسلها
ونقسمها نصين كدة
وبعدين نقورها بملعقة الشاي
بالشكل دة
وبعدين نحمرها في زيت غزير
وهتطلع لنا بالشكل الجميل دة
متحمرة من جوة ومن برة
هنا قلب البطاطس
اللي طلعناها واحنا بنقورها
حمرناها هي كمان
وهنقدمها معاها
او ممكن لو عندك أطفال يتسلوا بيها
بتكون مقرمشة ولذيذة
بعد كدة
نرص كل البطاطس بعد ماحمرناها في صينية فرن
ونحشيها بعصاج اللحم والبقدونس كدة
واللحم اللي هيتبقى
نحطه في ارضية الصينية
وبعدين نسقيها بصلصة الطماطم
في كل واحدة شوية وعلى وشها كمان
بالشكل دة
ونخلي كمان الصلصة تكون في قاع الصينية
عشان ما تلزقش ومتتحرقش من تحت
( نسيت أصور المرحلة دي )
بس الصورة بعد ما طلعت م الفرن بتوضحها
وباين فيها الصلصة في ارضية الصينية
دة شكل الصينية بعد ما سقيناها بالصلصة كويس
و دخلناها الفرن
طلعت بالشكل دة
وهنا لما نقدمها
ونطلع معاها شوية من اللحم اللي في الصينية
ودة طبق للتشويق
زينته بقلب البطاطس اللي حمرتها
وهدية مني لأول رد
يلا مين هتمد ايدها وتاخده
تحياتي لكم
( بنت بطوطة )
مواضيع هذا القسم برعاية
بنت بطوطة بنت بطوطة 114954_8.gif يـــارب صــبرنا Fatakat 114954 جدة – السعودية