هلا وغلا بكل الفتوكات اللي مشرفني في موضوعي
وصفتنا النهاردة هي " قلب وكبدة اسكندراني " ماتقولش لعدوك عليها ..وأنا عارفة ان فتوكات كتير بتعملها بالطريقة دي وأحسن كمان..بس أكيد كل واحدة لها تكتها وحركتها اللي بتدي نفسها في الأكل
من غير كلام كتيير ندخل في المفيد : على بركة الله
المقـــــــــــــــــــادير :
نص كيلو كبدة وقلب ، فلفلتين رومي أو حار (حسب الرغبة) ، 6 فصوص توم مفرومين مع ربع ملعقة بشر زنجبيل ، حتة دهنة أو لية مقطعة مكعبات صغيرة ، ملح وكمون ، وشوية زيت
الطــــــــــــــــريقة :
– نحضر مقلاة ونضع فيها الدهن على نار عالية ..وأول ماتبدأ تنزل زيت نهدي النار وسط
– نستمر في تقليب قطع الدهن لحد ماتكش وتحمر
– نشيل قطع الدهن ونرميها ونضيف شوية زيت ونعلي النار تاني لحد مالزيت يغلي نروح ضايفين الكبدة مرة واحدة عشان تبقى جويسي
– نقلب الكبدة عشان الجزء اللي فوق يكون تحت والعكس ونلاحظ ان الكبدة اللي كانت تحت لونها تغير
– نسيبها دقيقتين كده ونقلب تاني لحد ماتبدأ تحمر ، تبدأ بس مش تحمر وتكون باللون دا
– بعد كده نضيف الفلفل الأخضر ونقلب
– بعد كده نضيف التوم والزنجبيل ونقلبهم
– نستنى لحد مالتوم يحمر وبالتالي الكبدة كمان هتكون محمرة نوعا ما ، بس مانسيبهاش تحمر أوي عشان ماتشدش وتبقى ناشفة ونضيف بقى الملح والكمون
– نديهم تقليبة كمان وعلطول نضيف نص كوب ماء عشان نكمل سوا الكبدة وتبقى فيها صوص
– نتركهم حوالي 6 دقائق بالضبط على نار أعلى من الرز بشوية ونطفي وبكده الطبق جاهز للغرف
وصورة أقرب :
و زوووووم :
وكمان زوووووووم عشان الحبايب :
أنا كده خلصت ..ممكن بقى يتقدم معاها سلطة خضرا وسلطة طحينة وخبز ، وممكن مكرونة وبطاطس محمرة ، وممكن مع رز بالشعيرية
قدروني بقى وقيمووووني زي مانتم شايفني لا أكتر ولا أقل
وأخيرا وليس آخرا :
مواضيع هذا القسم برعاية
ry7anh ry7anh 31437_3.gif سوبر فتكات Fatakat 31437 الشرقية – مصر