واخيرا اول مره انزل موضوع في وصفات الطبخ ومكنش في نيتي خالص اني انزل موضوع بس وانا بعمل القرص طقت في دماغي قولت طب ما افيد فوتكاتي لاني بصراحه بعد مشوار طويل في اني اعرف اعمل قرص حلوه وبعد بحث وتدقيق وتمحيص في قضية القرص وبعد ما اعمل وتطلع مش حلوه مره والمره اللي بعدها ازود حاجه واللي بعدها انقص حاجه لحد ما وصلت للحل الرهيب الحمد لله وبقيت بعملها حلوه اووووووووووووي وطريه اوووووووووووووي واليكم الطريقه وياااااااارب تعجبكم المقادير : كيلو دقيق الخميره عليها شوية سكر ومايه دافيه وتسيبيها تخمر لبن رايب(تفضلي تصبي من اللبن لحد ما تتشكل عجينه حلوه في ايدك متلزقش تبقي طريه ومش بتشبط في ايدك) عمري ما عايرة كمية اللبن في العجين بس لازم يبقي جمبك كمية دقيق احتياطي بحيث لو لقتيها بقت تلزق في ايدك تزودي دقيق بحيث انها متلزقش 3|4 كوب سمنه وزيت (انا بحطهم بالويم كده بس بصراحه بتبقي مليانه ) كوب قشطه (بس برده بحطها بالويم يعني ممكن تبقي اقل او اكتر …علي حسب الكميه اللي عندك وممكن متحطيش قشطه اصلا) مره عملتها من غير قشطه وطلعت جميله جداااا برده بس هيه بتديها طعم حلو وريحه حلوه كمان رشه ملح الطريقه: هتجيبي الدقيق وتحطي عليه رشه ملح وحتحطي الخميره واللبن وتفضلي تعجني وبعدين تحطي قشطه وتحطي سمنه وزيت وتسيبيها تخمر في مكان دافي وبعدين تقطعيها كور وتسيبيها تخمر تاني ومعلش الخطوتين دول مصورتهمش عشان مكنش في بالي اني انزل موضوع ووقت ما فوقت من الغيبوبه صورت الحمد لله وبعدين بالنشابه تفرديها وتحطيها علي فوط بالشكل ده[] وبعدين تشغلي الفرن والشوايه وخطوه مهمه اووووووووووووووووووووي انك تشغلي الشوايه لان هيه ديه اللي هتخليها تتنفخ وتبقي عمله زي العيش ينفع تحشيها اي حاجه وبعدين تدخليها علي صاج الفرن بالشكل ده[IMG][/IMG] وبعدين هتتنفخ بالشكل ده اممممممممممممممممممممممم شكلها وهيه بتقب يا سيدي [][] وديه كمان صوره [][] وديه بقه بعد ما طلعت []] وديه بقه بعد ما فتحتلكوا واحده عشان تشوفوها [ يااااااااااارب تعجبكم ياااااااااارب اه نسيت اقولكم اول لما تطلعي القرص تحطيها في كيس وتقفلي عليها عشان تطري وبعدين بعد شويه اما تخلصي خبز خااااالص تسيبيها شويه جوه الكيس وهوه مقفول وبعدين تفرديها وبعدين تكيسيها تاني وفي الفريزر وبالف هنا مواضيع هذا القسم برعاية ظني بيك يا سندي جميل92 ظني بيك يا سندي جميل92 فتكات هايلة Fatakat 786214 القاهره – مصر
]
[/IMG]
[]
[]
]