كيفكم يا قمرات منورين موضوعي
كتير اوقات بنكون قاعدين وخاطر عبالنا حاجة جديدة نعملها باللحمة غير الكبسة والمنسف والاوزي والمحمر طبخات صحيح طيبة كتير بس الواحد بيمل منها
اليوم حطيت اللحمة عا النار والله مني عارف بسلق فيها ومش جاي عبالي اعملها جنب الرز
طقت في بالي فكرة وطلعت روووووووووووعة وانبسطو الاولاد عليها
خليكو معي ويا رب تعجبكم لانها فعلا طلعت طيبة كتير كتير
اللحمة بالكريمة:
المقادير:
اي نوع لحم تحبي انا كان عندي لحمة خروف
هيل
بصل
ثوم
كسبرة
فليفلة الوان ومش ضروري الوان عادي اللي عندك
ملعقتين كريمة طبخ ولو مش متوفرة اعمليها بجبنة الكاسات كيري روعة
المهم
الطريقة:
قطعي اللحمة مربعات دوائر مستطيلات اللي يعجبك
اسلقيها وشيلي الزفرة
ضيفيلها الهيل والثوم والبصل والكسبرة وسيبيها لحد ما تستوي تمام
وهنا بعد السلق
قطعي الفليفة والبصل وارفعيهم على النار بشوية زيت او زبدة حتى يذبلو
بعد ما يذبلو ضيفي اللحمة وقلبيها وضيفي عليها ملعقتين الكريمة ورشة ملح خفيفة لانو احنا مملحين اللحم اثناء السلق وقلبيهم منيح لمدة 3 د
وهيك بيكون جهز شفتي بسيط وسريع لكن طيب جدا انصحكم تجربو
انا قدمتو جنب البطاطا المقلية والخبز
بتمنى وصفتي البسيطة تكون عجبتكم ولو استاهل التقييم قيمولي يا حلوين
مواضيع هذا القسم برعاية
الزنبقة الوردية الزنبقة الوردية images/avatars/pacifier.jpg فتكات ست الكل Fatakat 793622 الخليل – روحي فلسطين