[size="5"][font="Century Gothic"][b]
[color="Purple"]السلام عليكم و رحمه الله و بركاته
ازيكم كلكم يارب تكونوا انتم وولادكم و ازواجكم بصحه و سلامه و سعاده يارب
انا جايه اعرفكم معلومات عن اللوب
لان اليومين دول كترت مشاكل كتير جدااااااااااااا عنه و كل واحده فينا عندها حكايات اد كده
اللى جارتها جرالها مش عارف ايه و اللى اختها حملت و هو موجود و اللى صاحبتها اللوب خرج من الرحم و راح مش عارف فين
انا عن نفسى بطبيعه شغلى و اصحابى شوفت حاجات كتير و كلها وحشه
المهم
صاحبتى دكتوره نسا و شاطره و ممتازه فى تركيب اللوب و ما حصلش الحمد لله معاها اى مشكله
انا سالتها ليه اليومين دول فيه مشاكل كده و بيخرج من الرحم و يثقبه و يعمل مشاكل تصل للاورام الخبيثه ليه
و ادى اقرب مثال https://fatakat.univanet.com/#5160376
و الكل بيقول ان اللوب بتاع وزاره الصحه وحش
الجواب كان الاتى
لوب وزراره الصحه فهلا كان وحش من فتره لانهم استوردوا شحنه فعلا فاسده و ناس كتيره اتاذت منها لكن دلوقتى اللوب الموجود فى المستشفيات و الوحدات الصحيه ممتاز
و نوع اللوب الكويس اللى ممكن يفضل لحد 8 سنوات هو اللوب النحاسى
و اللوب الموجود بره الغالى ده لوب اسمه اللوب الهرمونى و ده كويس لحالات النزيف اللى بتتعب من النحاسى يعنى
بس مدته اقل و غالى فى السعر
بالنسبه للسؤال عن ثقب الرحم هى فهمتنى
الدكتور و هو بيركب اللوب لازم تكون ايده حساساه جدا انه يدخل لحد جدار الرحم بس و بيحسه بخبطه بسيطه جدا
و هى دى المشكله
مش كل الدكاتره بيحسوها و يفضل يدخل اللوب لحد ما يثقب الرحم و يخرج منه
ربنا يعافينا و اياكم
لو حسيتى باى الم غريب بعد ما ركبتى اللوب راجعى الدكتور فورا
من الافضل نعمل سونار بعد تركيب اللوب للاطمئنان على مكانه الصحيح
كل سنه لازم نعمل شيك على اللوب عند اى دكتوره
و الصور و الفيديو الجايين
هيوضحوا ليكم كلام كتير
ده المكان الصح للوب داخل الرحم
و ده مكان اللوب و مكان الخيط اللى بنتاكد منه
و الفيديو ده بردو بيوضح اكتر
و فى النهايه
دعواتى للكل بالسلامه من اى شر
انا ظروفى منعتنى من اللوب خالص بس دورت عليه و بحثت علشانكم و الله
ارجو التقييم للتثبيت
و دعواتكم ليا بصلاح الحال
فى حفظ الله
د/ سلسبيل د/ سلسبيل 804238_11.gif فتكات ست الكل Fatakat 804238 الرياض – المملكه العربيه السعوديه