بسم الله
انا ولدت من 24 يوم بضبط طول فترة الحمل بستني امتي اولد عشان اكتبلكم و كل محرومه تستبشر خير
انا في شهر يناير 2024 كان موعدي مع طبيبه المانيه مشهوره جدا حتي تقرر حنعمل حقن مجهري او لا
قالتلي بحرف الواحد احنا حنعمل حقن عشان خاطرك بس لان النتيجه حتكون سلبيه و نجاح العمليه شبه مستحيل
قلتلها بعربي هو الحمل بايدك يا اختي انا ححمل غصب عنك لان الحمل بايد ربنا
سالتني انتي بتقولي ايه
قالها زوجي دي بتنكت سيبك منها
زوجي اتصدم و حزن بس انا مش عارفه كنت متفائله و حاسه اني حتحصل معجزه
و الله كل الكلام الي حقولهولكم حقيقي
انا نزلت من عندها رحت اشتريت سبحه الكترونيه و رحت المسجد صليت و بكيت كثيير و دعيت ربنا و كتبت ورقه للامام قلتله ادعولي في صلاة الجمعه بالذريه
و حبست نفسي في البيت ما بخرج الا للضروره
كان عندي واجب يومي وعدت اني مش حبطله لحد متستجاب دعوتي و مكنتش عارفه ان ربنا يحجيب دعائي بسرعه
ابتديت بساغفر اقل شي 5000 مره بصلي الفجر و بستغفر 1000 و بعدين الظهر و بستغفر 1000 و كده طول النهار
بصلي علي النبي 1000 مره في اليوم
سورة البقره و يس يوميا
و 100 مره سورة الصمد و بدعي
كل ليله بقوم علي قد مااقدر
تفائلت كثيير لما رحت صلاة الجمعه و سمعت الامام بيدعيلي فرحت جدا انه ما نساني
تصدقت هذاك الشهر كثثير لدرجه اني ما ارد اي حد يصلب مني شي
و كل عمل بقول لله و ادعي
رضيت حماتي و خليتها تدعيلي
و الي فرق جوايه هي دعوة ابويا حسيت اني دعوته ليا فرقت جدااا كان ابويا في كرب مادي و رحت بعت اسورتي و اديته فلوس و قلتله ادعيلي و الله بكيت و هو بيدعيلي حسيت ان دعوة الاب بتختلف عن الام
و رحت علي مرعدي مع الدكتوره بثقه اني حفاجئها و حتحصل معجزة
بيني و بينكم كنت مفكره ان المعجزه حتكون ان نتائج التحاليل حتكون جيده و حنمل الحقن بنسبة نجاح كبيره
بس
تحليل الدم اثبت اني حامل
كانت فرحه كبيرة لدرجه اني بنط مفرحه و زوجي يمسك فيا يقولي حتوقعيه
و قالتلي هي معجزة طبيه
و حمد الله الي قر عيني و جبت عمر من 24 يوم
و نفس الشي حصلي في الولاده تاخرت للاسبوع 41 و قرروا يعملولي طلق صناعي و كنت خايفه جدا و سبحان الله بفضل القران و الاستغفار توسع الرحم قبل موعد الطلق بساعه و ولدت طبيعي بدون شق و لا خياطه في وقت قياسي مائاء الله قسما بالله اقل من 3 ساعات و بسم الله ولاده سهله جدا و حكتبلكم عن تسهيل الولاده بالقران للاستفاده
ادعولي الله يحفطلي عموري و يهديلي ابوه يرزقني ببيت واسع قريبا
nogasalem nogasalem 899088_2.gif فتكات متميزة Fatakat 899088 قاهره – مصر
سبحان الله و بحمده