السلام عليكم ورحمه الله وبركاته
ازيكم يا احلى فتوكات
كل سنه وانتم طيبين وعلى الخير دايما متجمعين
بعد فحص وتمحيص وتفكير عميق عملتلكم قائمه باكلات لرمضان
يارب تعجبكم والله من مجهودي الخاص مش منقوله ومش مسموح لحد ينقلها مدونة تاني
انا انتمائي لفتكات وبس (بجد انا باكره المنتديات التانيه ما علينا) رغايه انا
نخش في الموضوع : طبعا كل يوم اساسي التمر سواء بميه او بلبن
نبتدي بسم الله
اول يوم :
الفطار : محاشي + بطايه + لسان عصفور + سلاطه
الحلو : كنافه بالكريمه طبعا بس مش هنعمل حاجه حلوه تانيه علشان مش هتتاكل
العصاير: عرق سوس وتمر هندي طبعا واكيد الخشاف بتاعنا
السحور: وياريت نتوصى بقه بالسحور علىشان ال17 ساعه اللي هنصوهم دول ربنا يقدرنا ويقوينا
فول + وجبنه + وبطاطس محمره + زبادي + عصير
تاني يوم :
الفطار : باقي المحشي + طبق ملوخيه حلو كده + بتنجان مخلل + عيش بلدي
الحلو : باقي الكنافه وممكن نعمل جنبها شويه قطايف مش كتير مش عايزين نرمي اكل في رمضان
العصاير : مانجه وتمر هندي
السحور : فول + جبنه + زبادي + عيش يفضل بلدي + بيض + نوع عصير وميه كتييييييييييير
ثالث يوم :
الفطار : صنف خضار (بسله او فاصوليا ) ارز معمر + لحمه مسلوقه ومحمره + طبق السلاطه المتين
الحلو : قطايف
العصاير: تانج + سوبيا
السحور : فول + عيش + جبنه بطماطم + عصير
رابع يوم :
الفطار : سمك + ارز + سلاطه + طحينه
الحلو : سلاطه فواكه
العصاير : نختار اي فاكهه من بتاعه السلاطه ونعصرها
السحور : بطاطس مسلوقه ومحمره + جبنه قريش بالطماطم + عصير
خامس يوم :
الفطار : صينيه مكرونه + فراخ + شوربه + بطاطس محمره + سلاطه
الحلو: كريم كراميل
العصاير : قمر الدين
السحور : باقي الاكل + زبادي او سلاطه زبادي
سادس يوم :
الفطار : نعمل لسان عصفور على باقي الشوربه + صينيه بطاطس + رز + سلاطه
الحلو : قطايف + باقي الكريم كراميل
العصاير : مانجه + عرق سوس
السحور : فول بالطماطم + جبنه بيضه + بطاطس بالبيض + عصير
سابع يوم :
الفطار : زهقنا بقه من اللحوم والفراخ هنعمل اكله مشكله بتنجان مقلي وبطاطس محمره وفلفل بالدقه وطعميه سخنه كده وعيش بلدي وحبشتكنات والله اكله جامده ومحدش يقولي مش هتنفع في رمضان
الحلو : رز باللبن
العصير : موز باللبن
السحور : بطاطس بالبيض + وطبق فول جامد + وجبن + عصير
ثامن يوم :
الفطار : بوفتيك + مكرونه + سلاطه
الحلو : صينيه كنافه
العصاير : فراوله باللبن
السحور : ممكن باقي الاكل علشان البفتيك لما بيستنى لتاني يوم بيكون مش حلو واهو تغير في السحور + عصير طبعا وزبادي
تاسع يوم :
الفطار : كفته رز + رز + شوربه لسان عصفور
الحلو : باقي الكنافه
العصاير : تمر هندي وقمر الدين
السحور : فول بالطحينه + جبنه بالطماطم + خيار + زبادي
اليوم العاشر :
الفطار : كبسه + سلاطه
الحلو : قطايف بالكريمه والمكسرات
العصاير : مانجه
السحور : فول + جبن + بطاطس محمره + عصير
كده 10 ايام هكملكم الباقي كمان شويه استنوني مواضيع هذا القسم برعاية
فتوكه ومش فتوكه فتوكه ومش فتوكه 499173_1.gif فتكات متميزة Fatakat 499173 شرم الشيخ – مصر