السلام عليكم و رحمة الله وبركاته
ازيكم يا احلى فتوكات فى الدنيا
انا دخلت المطبخ و قررت انى افتكس اكله جديدة
و توكلت على الله وقولت هي اكله ولا اكتر يا صابت يا هتبقى وقعتى خضره
و طلعة طعمها حلو و لذيذه
فقولت لازم افيد الفتوكات زى ما انا بستفاد منهم و يا رب الاكله تعجبكم ندخل بقى على الاكله
المقادير
صدور فراخ
معلقه صلصة
نصف كوب لبن
معلقة دقيق
ملعقتين زبادى
بصله
ملح و فلفل
كمون
ثوم بودره
بصل بودره
جنزبيل
شطه
سمنه
كوب مرقه
الطريقة
نغسل فيليه الدجاج كويس اوى بالخل و الليمون
و بعدين نحمر الفراخ فى السمنه نصف سوه زى كده
و بعدين مكان تحمير الفراخ نبشر بصله و نصفرها فى السمنه
و بعد متدبل نحط معلقة الصلصة و ننزل عليهم بالمرقة و الملح و الفلفل و البهارات و نسبها لما تتكاثف بالشكل ده
نضع صدور الفراخ فى الصوص لتكمل سواها
و عند اقتراب السواء نخلط اللبن مع الزبادى مع الدقيق و نضيفه على الفراخ
و نسيبه لحد ميتكاثف و يوصل للقوام الا احنا نحب و لو حسينا انه تقل زياده نضيف شويه مرق
على فكره الصوص كان لونه مدى على احمر فاتح مش عرفه ليه مش باين لونه مظبوط
بس والله كان لذيذ و طعمه جديد
وقدمت معها مكرونه بالصلصه
و بطاطس محمره
و ده شكل الطبق
و بالهنا و الشفا عليكم ولو عجبكم قيموه عشان الناس تستفاد منه
و ادعولى انا و زوجى و ابنى بصلاح الحال مواضيع هذا القسم برعاية
kotaa kotaa 314374_3.gif فتكات هايلة Fatakat 314374 الأسكندرية – مصر