السلام عليكم ورحمة الله وبركاته
فكره روعه لحفظ الخضره زى الكسبره و الشبت و البقدونس
الحمد لله والصلاة والسلام على الحبيب المصطفى
حبايبى احنا بنجيب الخضرة اللى هى الكسبرة والشبت والبقدونس واحيانا بتفضل وتصفر وبعدين نرميها
النهاردة اناعملت حاجة روووووعة وجت معايا كده وقلت لو نجحت هقولكو عليها
كان عندى اربع ربطات شبت وحسيتهم خلاص الصلاحية انتهت وعيزيين ينامو فى باسكت الزبالة
انا كنت غسلاهم قمت حطيتهم فى التلاجة على الرف ينشفو ومكشوفين
وبعدين سخنت الفرن الكهربا وحطيتم لغايةما نشفو خااااالص
قمت دعكتهم بايدى وحطيتهم فى برطمان
حبايبى ريحتهم وهم فى الفرن كانت روعة وبنتى عندها 5 سنين تقولى ايه الريحة الجميلة دى
طبعا ممكن تنشفيهم باى طريقة زى ما تحبى ممكن فى الشمس بس انا عملتهم فى الفرن اسرع وللان الشمس هنا فى الغربة بعافية حبتين
استعمالهم بقى هتحطيهى فى المشاوى كفتة وفراخ ولحمة والذى منه وفى تتبيلة السمك
فى امان الله .
منقول مواضيع هذا القسم برعاية
قلبى مطمئن بذكر الله قلبى مطمئن بذكر الله 268591_9.gif فتكات غالية قوي Fatakat 268591 nc – usa