بسم الله الرحمن الرحيم
ازيكم يااحلي فتوكات في الدنيا
عملت فطير مشلتت وفطير بالتونة يارب يعجبكم بس امانة عليكم لو عجبكم قيمو لاني بجد تعبت اوي في الموضوع لاني كنت بعمل وبصور في نفس الوقت 2×1 يعني هههههههههه اما بقي لو معجبكمش يبقي خلاص قضي ربنا بقي
ندخل بقي في الموضوع
بسم الله
المقادير
دقيق وملح وماء دافئ وبس
ونعجنهم كويس لحد ماتلم في ايدينا ونسيبها ترتاح ربع ساعة كده قبل التقطيع
شوفو بعد مارتاحت بتشد ازاي
ندهن صينية بقي زيت خفيف ونقطعها كور صغيرة وندهن وشها زيت
ونغطيها بكيس نايلون عشان ماتنشفش ونسيبها ترتاح انا عملتها الساعة 1.5 بالليل لحد تاني يوم العصر قبل ميعاد الغدا
وهنا بعد مارتاحت وقبل الفرد
نسيح حبة سمنة علي النار
ونحط حبة عالرخامة ونبدا نفرد بايدينا
لحد ماتتفرد معانا ونرش عليها حبة سمن
ونقفلها زي الظرف وكل مانعمل حاجة نحط سمن
ونقفله ونركنه علي حنب
ونبدا نفرد كورة تانية وبعد ماتتفرد نحط جواها الظرف الاول ونقفل عليه بعد ماندهن وشه سمن
ونكرر الخطوات لحد مانخلص الكمية بتاعتنا ونحطها في الصينية ونسيبها ترتاح لمدة ساعة
وبعد مارتاحت نفردها في الصينية بايدينا لحد ماتملاها وندهن وشها سمن
ندخلها الفرن
شوفو بدات تتنفخ ازاي
لما طلعت نرشها حبة ميا ببخاخة او بايدينا ونغطيها بسرعه عشان ماتنشفش
وهنا قسمتها شوفو مورقة ازاي
تابعوني الفطير بالتونة
مواضيع هذا القسم برعاية
dr nemo dr nemo 884797_1.gif سوبر فتكات Fatakat 884797 قلب زوجي – مملكتي الصغيرة