السلام عليكم ورحمه الله وبركاته
جايه النهارده وجيبالكم طريقه فطيره تحفه حتعجبكم اوى يالا بينا نبدا مع بعض:
المقادير": نصف كيلو دقيق
بيضه _ لبن _ م ص مملؤه خميره فوريه _ 1 زبادى _م ص لبن بودره _ زعتر _ملح _فلفل _شويه زيت_ م ص زبده
الطريقه": 1- نجيب الدقيق ونعمل حفره فى نصه ونحط البيض والزيت والزبده والزعتر والملح والفل والخميره ونبدا نخلطهم ببعض كويس لغايه ما المكونات كلها تندمج مع بعض ويبقى الدقيق مفرول عامل زى الكسكسى
2- ندفى اللبن ونبدا نعجن الدقيق ومكوناته باللبن لغايه متتكون عجينه متماسكه المهم نعجنها كتير كل ماتعجنيها كل ما تبقى حلوة وقسميها الى قطعتين واعمليهم كور وسبيها تخمر
3- بعد ساعه نجيب قطعه من العجينه ديه ونحطها فى صنيه مدوره مدهونه بالزيت علشان متلزئش وحطى عليها الحشو
مقادير الحشو":بسطرمه جبنه جوده مبشوره_ جبنه حمرا مبشوره_جبنه لافشكريه _جبنه تركى مبشوره _جبنه موتزريلا _جبنه شيدر بتاعه البرجر _ مايونيز _ فلفل كوبى _زيتون _طماطم
4- نضع على العجينه طبقه مايونيز وبعدين احط البسطرمه وبعدين احط الفلفل والطماطم والزيتون وكل الجبن الجوده والحمرا والافشكريه والتركى والموتزريلا
5- نجيب قطعه العجين التانيه ونفردها بالنشابه بس مقاس اكبر شويه من مقاس الصنيه ونحطها فوق الحشو ونافلها بربطها بالعجينه اللى تحت من الحروف يعنى عجينه حشو عجينه ونافلها مع بعض تمام ولا فى حاجه مش واضحه…
6- نجيب بيضه ونحط عليها ملح وفلفل وندهن بيها وش الصينيه وياسلام بقى لو نسكافيه تتدوبيه بشويه ميه وتتدهنى بيه وش العجينه حيديكى لون رائع
طبعا ممكن تحطى اى حشو تانى انتى بتحبيه بس علشان انا وجوزى بنحب البسطرمه بعملها بيها وبالهنا والشفا ياقمررررررررررررررررات ومتنسوش التقييييييييييييييم
مواضيع هذا القسم برعاية
رقيه علي رقيه علي images/flowersavatars/avatar0021.jpg فتكات هايلة Fatakat 340300 اسكندريه – مصر