بصوا كدة بالصلاه ع النبي أنا عملت شوية فطاير بحشوات متنوعة (السبانخ- الزعتر- وباللحمة المفرومة) وقلت أصورهم لفتوكاتي حبايبي.. ولما جيت أنزل الموضوع كدة بقلب جامد بالصدفة اتكعبلت بموضوع لفتوكة هنا ما شاء الله عليها فحسيت بالضعف والانكسار هههههههههههه
لا بجد أنا مش بروفيشينال يعني عشان بس لما كنت بصور الخطوات ماما وأختي فضلوا يتريقوا عليا 
ويقولولي آل يعني البت فاكرة نفسها شيف بآ !! يرضيكوا الكلام دا ؟؟؟
بس قلت خليكي واثقة من نفسك وتوكلي على الله ونزلي الموضوع عل وعسى ينول على اعجابكم 
المهــم
أنا هقسم الموضوع 3 أجزاء:
1. فطيرة السبانخ (عملت شكلين مختلفين)
2. فطيرة الزعتر
3. فطيرة اللحمة المفرومة
4. طبق تبولة جانبي للحبايب 
نبدأ بسم الله
مبدئيا العجينة اللي عملتها هي هي نفسها اللي استخدمتها للــ 3 حشوات
أنا عن نفسي المقادير بعملها بالبركة يعني بالنظر مش ماشية بمبدأ المعيار وكدة يعني والحمد لله بتظبت معايا وطبعاً عشان ماما بتكون معايا فهي بردو بتبقى عارفة
دقيق
خميرة فورية
ملح
سكر
حليب بودرة
محسن خبيز (المرة دي مكنش عندي) بس قبلها بيومين عملت بيتزا وأضفته وكانت العجينة أفضل بكتييير
وماء للعجن
زيت نباتي لفرد العجينة
1. بالنسبة لحشوة السبانخ
بصل + سبانخ مقطعة + توابل متنوعة ( ملح- فلفل اسود- بابريكا- سماق- ملح ليمون "لو مفيش هنعصر ليمون في الآخر" – جنزبيل – جوزة الطيب)
هندبل البصل لحد ما لونها يبقى دهبي شوية
2. نضيف السبانخ
هنقلب لغاية ما تنزل ميتها وتدبل ونضيف التوابل السابق ذكرها
ودا شكل السبانخ لما استوت
هسيبها شوية كدة وبعدين قبل استخدامها على العجينة لازم نصفيها من المية عشان منبلش العجينة
أنا كنت متعودة أعمل شكل الظرف المقفول (هنزله في المشاركة الثانية) لكن المرة دي قلت لماما أنا هعمل شكل مختلف للسهولة والسرعة 
هنفرد العجينة وهحط مقدار من السبانخ
هطويها بالشكل دا
ودي بعد ما دخلت الفرن وبعدين الشواية
تاراااااااااااااااا 
خليكو معايا هنكمل المشاوار ❀◕ ‿ ◕❀
يتبــــع،،،، مواضيع هذا القسم برعاية
hopefulla hopefulla 458048_15.gif سوبر فتكات Fatakat 458048 anywhere – Egypt