يا جماعه انا اذ فشلت فشل ذريع
انا باكل جبنة مقليه من برا كتير اوى اكلت من عند جاد و الوحيد و ابو ربيع
فقولت لا بقا مبدهاش اشوفها بتتعمل ازاى و فعلا دورت و جبت الجبنه الشيدر و قطعتها و حطيتها ف البيض و طلعتها حطيتها ف البقسماط و سيبتها ف التلاجه شوية و بعدين حطيتها ف الزيت الملاحظه الاولى انها الطبقه الخارجيه لزقت و ساحت منى بس الحمد لله مش كلهم جرالهم كدا دى كانت اول اتنين بعد كدا خدت بالى و مخلتهاش كتير ف الزيت بقلبها بسرعه و اهو عدت المرحله دى و خلاص
الملاحظه التانيه بقا و هى دى المشكله احنا لما بناكلها من مطعم ف ساندويتش طعمها مش بيبقا باين انه شيدر اصلا بدليل اننا كنا بنسأل هى دى نوع الجبنه ايه ؟؟؟؟؟ انما اللى انا عملتها اول ما حطيتها ف بقى شيدر شيدر طعمها باين جدا اللى بتبقا ف المطعم بتبقا خفيفه اوى اوى و مملحه حبه صغننين و كميله
مش عارفه بقا دا غلط منى ولا دا العادى
واللى جا ف دماغى انه يمكن عشان ف الساندوتش بتاع برا بيحطوا حاجات كتير خضره و طماطم و كاتشب و مايونيز فكل دا بيخفف من طعمها ومش بتبقا باينه اوى انما اللى انا لما كلتها كلتها بمجرد شوية كاتشب و خلاص
ممكن حد يفيدنى و يقولى العيب ف ايه ولا انتوا مش بتعملوها بشيدر اصلا ولا ايه النظام ارجوكم ساعدونى نفسى اكلها زى بتاعه برا مواضيع هذا القسم برعاية
marim art marim art فتكات هايلة Fatakat 516614 cairo – egypt