فتوكاتى الحلوين هقدم طبق اليوم فراخ محشيه زى البطه المحشيه
نجيب فرخه ونظفها طريقه تنظيفى عشان اشيل منها ريحه الزفارة
دقيق وملح واحطهم عليها وافرك فيها لحد ما شيل الماده الصفراء اللى على الجلد
لكى تكون بشرتها ناعمه وملساءهههههه
واغسلها تحت المياه وبقى زى الفل ومنورة
انقعها فى ليمون واسيبها لحد ما اعمل المرته
الطر يقه
اجيب بصلتين حلوين كده ههههه
واقطعهم واحط عليهم فلفل اسود وملح وادعك فيهم لحد مالبصل ينزل الميه اللى فيه
واحط عليهم شويه مياه واحطهم على النار
واستوت المرته ارجع للفرخه اجيبها طبعا اخده شارو جميل زى الفل
ابدا احشيها خلصت حشو وقفلتها بخله خشب
اجيب حله واحط فيها شويه زيت
واجيب الفرخه واشوحها مع البصله وفلفل اسود
وكمون وحبهان ومستكه واعصر عليهم ليمونه بتخلى الشوربه جميله جدااا
شوحتها على نار هاديه اهم شئ نا ر هاديه
وقلبتيها على الوجهين
ضعى المياه نسبه منا سبه عشان الشوربه متحطيش مياه كتير عشان تبقى ليها طعم جميل
استوت الفرخه احطها فى صينيه واحطها فى الفرن لتحمير
طريقه عمل اللحم ستيك بالكيوى
على طر يقه العضوة الجميله فريده فى كل شئ
بتجيبى اللحم استيك من عند الجزار تقوليله هعمله استيك
انقعى الشرايح اللحم فى 3معالق خل مع 2ليمونه مع معلقه ثوم مفروم
مع فلف اسود
ورشه توابل
وشويه زيت وممكن معلقه مسطرده لو عندك صويا صوص حطى معلقه
انقعيهم طول الليل
والصبح هاتى طاسه وسخنيها جدااا وحطى فيها معلقه زبده
وحطى الشرايح تاخد لون بنى وبعدين اقلبيها على الوش التانى
ولما تخلصى رصيها فى صينيه ودخليها الفرن وبلا ش تسيبها كتير عشان تبقى طريه
انا حطيت معهم واحده كيوى مش هقولكم على الطقم يجنن والله العظيم تحفه
خلى اللحم طرى مش نا شف ممكن تعميله مع البو فتيك
ربنا يبارك فى فريده هى اللى قالتلى على الكيوى بجد عمل طعم جميل
الصورة اهى انا كنت مستعجله معملتش تزين لان جوزى كان جعان وقالى محبكتش
تصورى دلوقتى
بشكركم جميعا لانى استفدت منكم يا احلى فتوكات
وبشكرك يا فريده على افكارك الجميله
فى النهايه فى امان الله متنسوش التقيم
ام نوسو نوسو
مواضيع هذا القسم برعاية
ام نوسو نوسو ام نوسو نوسو 343310_67.gif فتكات غالية قوي Fatakat 343310 ***دمياط*** – مصر