على الفتوكات الحلوين
دى طريقة الفرخة المحشية بالفريك
اللى قدمتها مع شوربة الخضار بالطماطم فى اللينك ده
https://fatakat.univanet.com/#2118663
دى صورة الفرخة المحشية فى صينية الفرن
ياللا نبدا بسم الله
المقادير
فرخة مغسولة بالملح والخل كويس وبعدين بالمياه
كبد فراخ متقطعة
فريك متنقى ومنقوع فى مياه نصف ساعة
وبعدين يتحط فى مصفى
بصلة مبشورة مع ملح وفلفل
زيت
مياه لسلق الفراخ وحبهان ومستكة
وملح وفلفل وبصلة وطماطماية
الطريقة
1- شوحت كبد الفراخ فى معلقتين زيت
2- قلبت البصلة المبشورة مع الملح والفلفل مع كبد الفراخ وقلبتهم كويس على النار
3- ضفت بعد كده الفريك وقلبتهم وزودت شوية مياه
وسبتهم يستووا نص سوا لغاية ما الفريك شرب المياه
واسيبه يبرد
4- احشى الفرخة بخلطة الفريك والكبد كويس واقفلها بخلة السنان
5- قطعت بصلة وطماطماية وحطيتهم فى حلة بها معلقتين زيت ومستكة وحبهان
والفرخة وملح وفلفل
وحطيت المياه السخنة وغطيتها لغاية ما الفرخة تستوى نص سوا
6- وبعدين نقلت الفرخة فى صينية ودهنت وشها بزبدة ودخلتها الفرن شوية
وبعدين تحت الشواية
ودى صورة الفرخة بعد ما طلعتها من الفرن
وطبعا مش هقولكم
على طعم الفريك مع كبد الفراخ قد ايه جمييييييييييييييييل
اتمنى تكون الطريقة عجبتكم
وما تنسونيش من دعواتكم الحلوة
لى ولأسرتى بصلاح الدين والدنيا وحسن الخاتمة
واشوفكم على خير إن شاء الله فى موضوع جديد
مواضيع هذا القسم برعاية
ام كروان ام كروان 124965_2.gif فتكات ست الكل Fatakat 124965 المطبخ – المنزل