بسم الله الرحمن الرحيم
الحمد لله اتعلمت من هنا طريقة الفراخ الكنتاكى وماشاء الله ممتازة
المقادير
1_فرخة صغيرة مقطعة
او
دبابيس فراخ اى كمية
او
صدور فراخ
او
بانيه
التتبيلة
(بصل_توم_زباااااااادى_حبهان _خل_لمون_زعتر-ملح_فلفل_شطة بودرة_كمون_كل التوابل اللى تحبيها باختصار)
كل المكونات تتخلط مع الفراخ وتبات متغطية في التلاجة يوم كامل من الافضل
ملحوظة
الفراخ ما تكنش كبيرة الحجم لانها مش بتستوى مية في المية
التغليفةةةةةةةةةةةة
دقيق
بيض
كورن فلكس متكسر بايدك
وبتحطي الفراخ بالترتيب دا
دقيق ثم بيض ثم كورن فلكس
للتحمير زيت غزير
ملحوووووووووووظة
من الكورن فلكس لطاسة الزيت مباشرة لو سبتيها شوية بتتعجن ومش بتقرمش
وكمااااااااااان
ما تخليش ايدك تتبل من البيض علشان الكورن ما يلزقش في ايدك وتهدريه
على قلة فايدة
وكمااااااااااااااان
توطى النار خاااااااااااااااااالص على الفراخ وهى بتتحمر لحد ما تاخدى
اللون اللى انت عايزاه
الصورة والله ظالمة لان الاضاءة كانت منخفضة
سلطة الكول سلو
كرنب عادى من بتاع المحشي
جزر مبشور
سكر على حسب الرغبة
رشة ملح
عصير ليمونة تكون صفرا مش خضرا علشان المزازة
معلقة خل
معلقة لبن
3معلقة مايونيز
تخلطى المقادير وتحطيها على الاقل ساعة في التلاجة
قبل التقديم
النهائي
الرز البسمتى
كوب رز بسمتى
2 او اقل قليلا كوب شوربة او مية
مكعب مرقة دجاج
رشة بابريكا حامية
بصلة صغيرة مفرومة
معلقة سمنة للتحمير
نص معلقة كركم
تحمرى البصل وبعدين تحطى الكركم
وبعدين الرز
وبعدين الشوربة والبابريكا وتظبطى الطعم
انا ما لحقتش احط الرز في القالب المغرب اذن عليا وانا في المطبخ
يااااااااااااارب تجربو حلو اوى اوى
واللى يعجبها الموضوع
ما تنساش تقيمه الصور عبال ما ضيفتها كان شعري ابيض
(قولو ماشاء الله يا بنات)
ملحوظة هاااااااااااااااااااامة
الصوابع اللى ماسكة الاطباق دي صوابعى انا
وطالبة منكم كمان طلب يابنات
ادعولى في صلاتكم ربنا يرزقنى بالخلف الصالح ويعوضنى عن ابنى
حبيبي الله يرحمه
مواضيع هذا القسم برعاية
عنود ايمن عنود ايمن 59384_2.gif فتكات ست الكل Fatakat 59384 القاهرة – مصر