طبعا كلنا زهقنا من الاكل اللى بنعيد ونزيد فية كل يوم
وفيوم بقى وانا بدور على اكله جديدة لقيت طريقة فراخ تحفة جربتها ومن ساعتها بقت اكتر اكله بعملها
وطبعا قلت لازم اقول للفتوكات حبايبى عليها
المهم بلاش رغى كتير عشان محدش يزهق ويقول دى رغاية كدة لية ولا حد يفتكر انى بشكر فنفسى عشان انا اللى عملتها مثلا
المهم المكونات :
3 م ط زيت زيتون
بصلة متوسطة
فصين ثوم
فلفل اخضر حار
400 جرام من الدجاج الفيليه ( ما يقارب 2 صدور دجاج )
1/2 م ط كمون + 1/4 م ط كركم + 1/4 م ط كزبرة + 1/4 م ط جرام ماسالا او م ط كاري + 1/4 م ط زعتر
1/4 م ط ملح
1 م ط صلصة الطماطم
2 م ط من كريمه طبخ [/color]
الطريقة ( بسم الله الرحمن الرحيم ) :
اولا لازم نقطع المكونات قبل ما نبدا خالص
نبدا بالبصل .. قطعيه الى قطع صغيرة حتى ينضج بسرعة ..
ضغطي على الثوم بطرف السكين بعدين قطعيه الى قطع صغيرة ..
قطعي الفلفل الى قطع صغيرة ..
قطعي الدجاج مربعات صغيرة ..
على نارمتوسطة .. سخني م ط من الزيت
و قلي البصل لدقيقة واحدة
بعدين ضيفي الدجاج
و قلبي .. خليهم يتقلو لمدة 5 الى 6 دقايق ..
الدجاج بيبتدي يتغير لونه الى الابيض
بعدين ضيفي الثوم و الفلفل ..
و حركي .. حتى يصير لونهم مايل الى الذهبي او البني ..
بياخذ من 2 الى 3 دقايق ..
بعدين ضيفي البهارات .. الملح .. الكزبرة و الكمون و الكركم ..
حركيهم كويس جدا
و ضيفي عليهم .. الصلصة ..
و بعدين الجرام ماسالا .. او الكاري ..
قلبيهم .. و ضيفي الكريمه .. انا بزود الكريمة شوية بتبقى احلى انا بحبها
تاكدي من ان الفراخ استوت
وبكدة تكون الاكله خلصت وممكن تعملى معاها رز بالمكسرات او رز بالكارى بالرز البسمتى بيبقى تحفة
وبالف هنا وشفا وبجد دى فعلا اكله حلوة جدا وسهلة جدا جدا
متنسوش التقيم والرد يا احلى فتوكات فى الدنيا عشان الكل يستفيد وعشان تشجعونى كل ما اعمل اكله جديدةو سهلة اجى جرى واقولهالكوا ماشى
ودة صورة الطبق فى الاخر
مواضيع هذا القسم برعاية
bosycatcota bosycatcota 668758_13.gif سوبر فتكات Fatakat 668758 cairo – egypt