السلام عليكم ورحمة الله وبركاته
من اولها كدة دي اول مشاركة ليا في القسم ده وكمان لسة بتعلم الطبيخ العملي
اصلي عقبال عندكواعرف نظري بس واي حاجة هعملها هنزلها ده لو شجعتوني اصلا
ومش رميتوني باي كبشة ولا مقصوصة 
انا لسة عاملة فراخ بانيه ورز حبة وحبة اعذروني معملتش الخطوات بالصور عشان مكنتش اعرف انه هيطلع عدل
ابطل رغي بقي بسم الله
الفراخ البانيه
اولا :- تجيبي ربع كيلو صدور فيليه وتغسليهم كويس وتتبليهم ب
(ملح_ فلفل اسود_ مية بصل او بصل مبشور اوي علي الناحية الناعمة جدا من المبشرة او اي اضافات بتحبيها انتي بقي)
وبتسيبيهم في التتبيلة انتي وراحتك من ساعة لو مستعجلة لحد نص يوم لو فاضية
وبعدين بتجيبي بيضة واحدة بس كفاية وبتحطي عليها شوية فلفل اسود وتربيها (بضم التاء والراء من مصطلحات مامتي 
)
وبتحضري الفجيتار او البقسماط المطحون ولو معندكيش
تشوفي لو عندك فينو ناشف بتطحنيه وبتحطيله توابل عليه ماشي ياموزة معندكيش حجة
انا بقي حطيت فجيتار وجبت كيسين ولقيتهم مش هيقضو قوم ايه
قريت المكونات ورا اول كلمة لقيتها دقيق قولت قشطة اوي
وروحت زي الشاطرة حطيت شوية دقيق علي الفجيتار وزودت شوية فلفل اسود وملح وقلبتهم كويس
وتروحي جايبة الفليهاية وتحطيها في البيض وبعدين في الفجيتار وتقلبيها علي النحيتين كويس
وبعدين تخبطيها وتكوني حاطة زيت غزير علي النار وبلاش بخل
لحد اما تبقي دهبي غامق سنة وتطلعيها وتصفيها كويس من الزيت وبالهنا والشفا 
الرز حبة وحبة
بتجيبي رز وتنقيه كويس وتغسليه حلو وبعدين بتاخدي كبشة كبيرة وبتحمريها اما لونها بيبقي دهبي غامق
وبعديت تضيفي باقي الرز وتقلبيه شوية وتضيفي المية لحد اما تغطيه بسنة وتحطي الملح
وانا بحط شوية فلفل اسود وتقلبي وتسيبه علي النار وحسب بوتاجازك بتوطي النار ولا بتحطي شياطة بقي
بصو بقي ماهو يا اما تشجعوني يا اخد طبقي والم عزالي وامشي
ودي صورة للطبق اللي هتاخده اول واحدة هتجبر بخاطري وتقيم
[
]
والسلام عليكم ورحم الله
[/size][/center] مواضيع هذا القسم برعاية
^_*cute girle ^_*cute girle 569386_16.gif سوبر فتكات Fatakat 569386 cairo – مصر