السلام عليكم ورحمة الله وبركاته حياكم الله وبياكم وجعل الجنة مثوانا ومثواكم
أزيكم يا احلى بنوتات وستوتات فى الدنيا وحشوتونى مووووووووووووت موووووووووووواه مووووووووووووووووواه مووووووووووووووواه دى قبلات حاره
شوفو بقى انا النهارده كنت قاعده زهقانه وما ليش نفس للأكل خالص وزهقت من الخضار التقليدى فقولت بقى اما اعمل أفتكاسه من أفتكاساتى
فى مطعم صينى فى مول سان ستيفانو فى الفود كورت انا باعشق اكله بيعمل فراخ تجنن فضلت ادور وأفحص وامحص لحد ما لقيت الطريقه ولقيتها هنا على فتكات
كان فى ستوته قمر حاطه قائمه مصوره لمجموعة اكل لقيت فيها الطريقه دى وجربتها والله العظيم يا بنات زى بتاعة المحل بالظبط لدرجة ان جوزى أفتكرنى ضحكت عليه وجبت دليفرى يلا بينا أستعدو وشمرو ايديكم ونسمى بالله
بسم الله الرحمن الرحيم
المقادير تكفى بأذن الله 4 أشخاص
4 صدور دجاج مخليه ومقطعه مكعبات كبيره شويه
4 ملاعق نشا +ملعقه صغيره ملح +ملعقه صغيره كسبره ناشفه +رشة فلفل أبيض + ربع ملعقه صغيره كمون
خلطة الثوم بالزنجبيل
(2او 3 فص ثوم مفروم +ملعقه صغيره زنجبيل مطحون او ملعقه كبيره زنجبيل فريش مفروم + فلفل ألوان مقطع + بصل اخضر مقطع بالورق بتاعه )
خليط المرق
1 كوب مرق دجاج +2 ملعقه كبيره خل + 2 ملعقه كبيره عصير ليمون +2 ملعقه كبيره سكر + 3 ملعقه كبيره صويا صوص+نصف ملعقه صغيره ملح +رشة فلفل أبيض
خليط النشا
1 ملعقه كبيره نشا مذابه فى ربع كوب ماء
الطريقه
يوضع الاربع ملاعق نشا +الكسبره والكمون والملح والفلفل الابيض فى وعاء غويط ويمزجو جيدا ثم توضع عليهم الفراخ ويقلبو جيدا ويترك جانبا لفتره
نحضر حله ويوضع فيها ملعقة زيت ذره + الثثوم والزنجبيل ويشوح ألى ان يصير ذهبى ثم يوضع البصل الاخصر والفلفل الالوان ويشوحو جيدا ثم يوضع المرق بموكوناته
ويترك حتى الغليان
بعد ما يغلى نضيف النشا اللى مذاب فى الماء حبه حبه مع التقليب المستمر ويترك قليلا للغليان هانلاحظ ان قوام الصوص بقى غليظ شويه
نحضر طاسه ويوضع بها زيت ولا يكون غزير ولا قليل يا دوب يغطى قطع الفراخ ونبتدى نقلى الفراخ فى الزيت على نار عاليه حتى تصبح ذهبية اللون
ولا نقلى الكميه كلها
مره واحده حبه بحبه حتى تنتهى الكميه
توضع الفراخ فى الحله على الصوص وتقلب وتترك على النار قليلا حتى تتشرب من الصوص وتتم نضجها
تقدم ساخنه مع الرز الابيض او البسمتى
وألف هنا
وده لأول فتوكه اموره عسوله هاتقيم الموضوع انا عملتها مع بسمتى وشوربة خضار وده كان غدانا النهارده
التقيم يا بنات التقيم والله تعبت جدا فى تصغير الصور ودعوه بظهر الغيب معلش بقى طماعه شويه
يلا فتوكم بعافيه
مواضيع هذا القسم برعاية
محتاسه بعيالى محتاسه بعيالى 234974_5.gif فتكات رائعة Fatakat 234974 فى جنتى مع أحب الناس – قلب حبيبى