السلام عليكم ورحمة الله وبركاته
صينية الفراخ بالبطاطس بالتوم والليمون
بسم الله الرحمن الرحيم
المكونات :
– نص كيلو بطاطس
– نص فرخة مسلوقة
– كوباية شوربة فراخ( شوب كبير)
– 4 فصوص توم كبار مدقوقين ناعم
– نص ليمونة كبيرة او ليمونة كاملة صغيرة
_____________________________
ملاحظة لو هتعملي فرخة كاملة يبقى هتضاعفي كل المكونات ما عدا الليمون ممكن تزودي شوية صغيرين
نبدا في الاول نقلي البطاطس بس مش نخليها تحمر قوي يدوب نص تحميرة حتى لو ما استوتش هاتكمل سواها بعدين
دي البطاطس بعد ما قليناها
بعد كده هانحط كوباية الشوربة فوق البطاطس
وبعدين هانحمر الفراخ اللي كنا سالقينها ونحطها فوقيهم
بعد كده هانجيب التوم والليمون ونحطهم في بولة صغيرة ونحط عليهم شوب كبير مية وشوية ملح وفلفل اسمر ونقلبهم كويس ونرشهم فوق الفراخ والبطاطي
الصور اللي تحت هتوضح
وبعدين هنحط الصينية على النار وهانغطيها واول ما تغلي هنوطي النار خاالص لغاية ما المرقة اللي فيها تقل وتوصل لنص الكمية ساعتها البطاطس هاتكون استوت كويس عشان احنا كنا قلنا ما نحمرهاش لما نقليها يدوب 3 دقايق ونشيلها
ودي صورتها بعد ما بقيت جاهزة وتماام ويا سلاااااام على الرييييييييحة تجننننننننننننن
ودي هنا لما غرفتها واكيد هتغرفي الصوص عشان بيبقى طعمه جاااامد جداااااا
انا عملت معاها طبق ملوخية على الشوربة اللي كانت فاضلة واكيد مخلل وطبق سلطة خضرا
وصراحة كانت غدواية يمممممممممممممممممممم تحفففففففففة
______________________________
يا رب الموضوع يكون عجبكم
وادعولي انا وجوزي وبناتي بصلاح الحال والهداية مواضيع هذا القسم برعاية
ام يارا ولارا ام يارا ولارا 668967_6.gif فتكات ست الكل Fatakat 668967 الاسكندرية – مصر