السلام عليكم ورحمه الله وبركاته
ازيكم يافتوكات
كل سنه وانتم طيبين
بقولكم ايه ندخل فى الموضوع على طول وبلاش مقدمات طويله
القصه ومافيها ان والدتى ربنا يخليهالى يارب
بتعرق بغزاره بصوره مش طبيعيه صيف شتا معندهاش اى مانع
وخصوصا وهى نايمه وعلى طول دافيه
متقولوليش حضن الام لازم يبقى دافى بقى وحنان الام وياعينى ع الام وكلام من ده
هى دافيه كده على طول حتى فى الشتا
الموضوع ده مضايقها جدا وبقاله فتره كبيره معاها وكل مدى بيزيد اكتر
متعرفوش ده ايه سببه ولا ايه علاجه
مامتى سنها 58 سنه
وعندها الامراض الطبيعيه زى السكر والضغط والحاجات اللى عند غالبيه الشعب
ياريت بقى تردو عليا وتقولولى ايه الحل
او حتى نروح لدكتور ايه نسا ولا باطنه اصل مافيش دكتور متخصص عرق
اوك يلا عايزه الردود تنزل زى المطره عليا
مستنياكم
ومتنسوش الدعاء ان ربنا يشفى بابا وماما ويخلهملى ويفرحو بيا وباحفادهم ان شاء الله
سمسمة الفنانة سمسمة الفنانة 166446_9.gif فتكات رائعة Fatakat 166446 الاسكندرية – مصر