غدانا النهاردة اخد معاى نصف ساعة بس
وسهل ولذيذ والاطفال بيحبوه وحيكلوا ويشبعوا وخصوصا فى فترة ايام الامتحانات اللى كل البيوت بتمر بيها دلوقتى
وصفة النهاردة
المكرونة الاسباجتى بكرات اللحمة المفرومة بصوص الطماطم
نجيب اللحمة المفرومة ونحط عليها بصلة مبشورة وملح وفلفل وشوية جنزبيل ورشة توم بودرة
نحط معلقتين زيت فى مقلاية وعلى نار عالية نشوح الكفتة تستوى تلت ربع سوى
نشيليها على جنب
نحمر توم مفروم وفلفل اخضر وننزل بعصير الطماطم ومعلقة صلصة
ونتبل بملح وفلفل وشطة لو تحبى
ونرجع الكفتة تكمل سواها
ولما تستوى تكون المكرونة اتسلقت انا استخدمت الاسباجتى
نضيفها على الصلصة ونقلب وتقدم ساخنة مع طبق سلطة خضرا
وكل ده فقط فى نصف ساعة
والنتيجة تفتح النفس بجد
يارب يكون موضوعى البسيط عجبكم
وافادتكم ولو بمعلومة بسيطة
مواضيع هذا القسم برعاية
فتاة المهمات الصعبة فتاة المهمات الصعبة 190913_15.gif Fatakat 190913 الرياض – السعودية