تخطى إلى المحتوى

غدانا النهاردة سهل كوسة محشية فى الطاجن فى الفرن وجلاش محشى ولااروع من امولا بالصور

ازيكم يا احلى فتوكات
النهاردة هشارك معاكم بوصفتين سهلتين
كوسة محشية لحمة مفرومة
جلاش محشى لحمة مفرومة
ندخل على اول وصفة
الكوسة


كوسة زى ما تحبى نقول نصف كيلو
ربع كيلو لحمة-بصلتين مفرومتين للعصاج-طماطم معصورة
2فص توم-ملح -فلفل-كسبرة ناشفة-سنة قرفة-كبابة صينى
لصلصة الطماطم بصلة-طماطم معصورة-فصين توم-بهارات
ملعقة سمنة

نسمى الله ونعمل العصاج نفرم البصلة واحطة فى الطاسة
معاة التوم من غير سمنة ولازيت اقلب تقلبتين ثم انزل باللحمة المفرومة
واقلب واحط التوابل فقط واهدى النار شوية لحد المية ما تنشف ثم انزل بشوية عصير طماطم
و مية
والملح واسيبة يستوى فى الوقت دة اقور الكوسة بعد ما اغسلهاوارش شوية
ملح فيها علشان تبقى مالحة

اعمل بعد كدة الصلصة اصفر بصلة مع التوم ثم انزل بالطماطم والملح
وسنة سكر والتوابل واسيبها تتسبك بمعلقة سمنة واحدة

العصاج استوى اجيب الكوسة واحشيها

وارصها فى طاجن او صنية
والقلب اللى طلع منها حطيتة من تحت بعد ما رصيت الكوسة المحشية
اصب عليها الصلصة ممكن نزود كبشة صغيرة شوربة
احطها على النار غلوتين وبعد كدة على الفرن تستوى وتاخد وش

وتبقى احلى كوسة محشية

تانى وصفة هى الجلاش
مقاديرة===
لفة جلاش-ربع كيلو لحمة-بصليتين -فصين توم
هنا مفيش عصير طماطم-ملح-فلفل -سنة قرفة وشوية كبابة-كسبرة ناشفة
نص فلفلة خضرة
كوب لبن-بيضة
سمنة مع زيت درة
الطريقة

هعصج اللحمة زى فوق بالظبط من غير اضافة طماطم
بعد كدة ادهن صنية مستطيلة ارص ورقتين وادهن وهكذا وبعمل غلاف للصنية
علشان الحشوة مش تنزل فى الجنب

اوصل لنص
الجلاش احط الحشوة الجميلة واكمل رص الورق وادهن بسيط

مش كتير بعد كدة اقطعها وادخلها الفرن 10ق اكون محضرة كوب اللبن وضاربة فية
البيضة بالملح والفلفل اروح صابة الكباية على الجلاش واسيبه يكمل سواة
هيطلع جلاش ولا اروع طعم وريحة وشكل




شايفين جمالهم مع مخلل الليمون عمايل ايديا
والله الكوسة والجلاش طعمهم رائع عجبوا زوجى جدا واخويا كان عندى
عجبوة جدا
معلش صورة العصاج اللى فوق دى بتاع الجلاش
لانى عصاج الكوسة اتمسحت

وفاض شوية لحمة معصجة عملتهم حواوشى على طريقتى
وبالهنا والشفا
يارب يعجبوكم وتقيموا الموضوع وتدعولى دعوة حلوة زيكم

فى امان الله وحفظة


مواضيع هذا القسم برعاية

امولا 98 امولا 98 889005_11.gif مراقبة مدونة Fatakat 889005 المنيا – مصر

سبحان الله و بحمده

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.