السلام عليكن يافتوكات ياقمرات,,,,
امبارح التلاجه لقيتها بتشطب وروحت مطلعه كلللللللل اللى فيها وقعدت افكر وافكر
كان عندى شرايح لحمة تنفع ساندويتشين شاورما قمت قطعت بصل شرايح وعليه معلقة زبدة ولما اصفر حطيت اللحمة وشوحتها وملح وفلفل اسود وشوية مية لحد ماستوت عالهادى
وعملت شوربة بصل بالبطاطس
حمرت بردو بصل رفيع خالص فى الزبدة وحطيت علية البطاطس وفلفل وكمون وشوحتهم لحد ما بدأت البطاطس تستوى وحطيت الميه وعليهم معلقه شوربة خضار جاهزة ومعلقه شوربة بصل جاهزة
وطلعت تحفه
وعملت سلطة سيزر
قطعت الخسايه اليتيمة اللى عندى وحطيت عليها معلقه تتبيلة سلطة السيزر ورشيت جبنة شيدر مبشورة وحطيت عليها عيش توست محمص
وأخيرا معجناتى الجميلة
بصوا بقى انا بعجنها وشكلها واحطها فى اكياس فى الفريزر والعجينة سهله جدااا كوبايه لبن رايب على كوبايتين دقيق وملح واعجنها واسيبها ترتاح ساعه وافرداها واقطعها واحشيها لحمة مفرومة او جبنة او خضار مشكل مستوى طبعا او اى حاجه تحبيها احشيها وبرصها فى اكياس وارش عليها دقيق وانا برصها علشان ماتلزقش فى بعض واطلع شويه وارصهم فى صينية وعليهم رشة زيت واحمرهم تحت الشوايه ولما الوش يتحمر اقلبهم عالوش التانى وادى صورة الاكل كله والمعجنات فى النص مش كتر صور اصله
لو عجبكم الاكل ادعولى بالشفاء والذرية الصالحة
مواضيع هذا القسم برعاية
ميرا المغتربة ميرا المغتربة 578687_1.gif فتكات رائعة Fatakat 578687 الخبر – السعودية