السلام عليكم ورحمة الله وبركاته
يا جماعة ياريت ربنا يكرمكم تردوا عليا سريعا لأني محتاسة وحاسة الوقت بيجري ومش هلحق
عندي عزومة كبيرة لـ12 فرد كلهم رجالة
وما ادراكم ما اكل الرجال!؟
اصحاب زوجي واول مرة يعمل عزومة كبيرة كده وعايزة اشرفه وابيّض وجهي قدامه
وانا دلوقتي محددة صنفين هعملهم ان شاء الله لأني بعملهم كويس الحمد لله وهعرف اضبط منهم حاجات دلوقتي -هشرح-
المهم اني عايزة مشورتكم فإيه تاني اعمله جنبهم لأني فعلا مش عارفة احدد
وكمان انا ملزومة بالاصناف اللي بعرف اعملها
لاني صعب اجرب في عزومة حاجة جديدة ما عملتهاش قبل كده
—
طيب الاصناف اللي انا قررت هعملهم اساسي ان شاء الله:
رز معمر … 4 صواني كبار .. كويس ولا اكتر عن كده ؟
لحمة بيكاتا بالمشروم وصوص بالويبنج.. كام قطعة عشان اكون في السليم؟ . انا كنت ناوية اعمل 30 قطعة .
والسلطة هتكون الخضار المسلوق اللي بالمايونيز والسكر .. واحدة صاحبتي قالتلي عليها جزاها الله خيرا
—
اعمل ايه بقى تاني جنبهم؟
لو حد عنده اقتراحات لحاجة جديدة برضو بس مكوناتها سهلة او نفس افكار الاكل العادي
مفيش مشكلة
المهم تكون حاجات ينفع يتعمل منها اجزاء وتتشال تتفرزن وتطلع على حاجات بسيطة وقت العزومة
يعني البيكاتا مثلا انا ممكن احمر اللحمة والمشروم قبليهم بكذا يوم واشيلهم كده
ويوم العزومة اطلعها واعمللها الصوص والويبنج واضبطها
فهمتوا قصدي ؟
لأني معايا بنوتة صغيرة وما اضمنش وقتي خالص!
—
وانا ماليش في المحشي على فكرة
—-
وسؤال تاني معلش
تفتكروا هعرف اقوم بالعزومة دي لوحدي ؟
ولا محتاجة حد معايا ؟
واعمل ايه في حكاية تسخين الكميات دي ؟
بجد محتاجة اي مساعدة
لو تعرفي اي حاجة ما تبخليش عليا
وهدعي لكل واحدة هتساعدني بأي حاجة
ولا تنسوا حديث الرسول صلى الله عليه وسلم:
[ إن الله في عون العبد ما دام العبد في عون أخيه ]
وأنا أختكم الغلبانة
وشكرااا مواضيع هذا القسم برعاية
واقع الأيام واقع الأيام 51449_1.gif فتكات ست الكل Fatakat 51449 القاهرة – مصر