عندى زهايمر بيخلى الناس تضحك عليا

انا عندى زهايمر ………المشكلة انى ما بحفظش شكل الوجوه وما تثبتش فى ذهنى خااالص الا بعد فترة طويلة ولازم اخد وادى فى الكلام مع الطرف التانى مرات كتيييييير ومع استعدادات ذهنية ونفسية رهيبة عشان تثبت الصورة فى ذهنى بمعنى ان فلانة شكلها مثلا نحيفة وبيضا و..و..و..و..و عشان تثبت صورتها فى ذهنى مثلا لما عزلت من سكنى القديم للسكن الحالى قعدت فترة طويلة لغاية ما قدرت اعرف جيرانى واميز صورتهم يعننى اول ما اشوفها اعرفها مش اقعد اشبه عليها انا بالاسم اعرفهم بس المشكلة فى الشكل …انا فى وقت قررت اشتغل فى حضانة وكانت المشكلة دى سبب تركى للعمل لانى مكنتش بقدر اميز بين الاطفال واسمائهم فقررت انى كل يوم اكتب اساميهم اكتر من مرة وانده عليهم كل شوية وهما يرفعوا ايديهم عشان ااقدر احفظ شكل كل طفل بأسمه وكمان امهاتهم تكلمنى وتيجى تانى يوم كأنى اول مرة اشوفها واحاول استشف من كلامها هى ام مين من الاطفال بصورة غير مباشرة
.مثلا ومدرسات اولادى فى المدرسة اول يوم اتعرفت عليهم وبعد كدة كل ما اروح يوميا لحد دلوقتى لازم اسأل ولادى عن ميس الانجلش مثلا ولازم يشاور لى عليها عشان اعرفها يعنى مدرسة ابنى الصغير بعد كام مرة ثبتت فى ذهنى لان لها شكل جثمانى كبير شوية خلتها علامة كل ما اجى ادور عليها اما مدرسات ابنى التانى كلهم تقريبا نفس الحجم ولون البشرة ونفس ستايل اللبس وده بيخلينى اروح المدرسة واقف مكانى لانى اخاف ان مدرسة منهم تكون جنبى ومعرفهاش ……….موقف محرج جداااااا ان ابنى شاور على ميس الماث وكنت بتكلم معاها وطلعت ميس العربى اللى انا كلمتها اكتر من مرة وطبعا موقف بايخ جداااااااااا ومحرج جداااااااااا ومضحك جدااااااا ,وطبعا تعليقات الناس اللى حواليا واللى ميعرفونيش كمان ساعات تكون جارحة وحادة منها انى مسطولة مش دراينة باللى حواليا انا بشون ناس ما شاء الله تشوف حد مرة واحدة كفيلة انها تحفظه وتقدر تتعرف عليه فى اى وقت تشوفه انا لالالالالا انا اقدر افتكر فلانة واتكلمنا فى ايه وانطباعى عنها ايه بس المشكلة فى الصورة اوالشكل ………. ياترى فى حد عنده المشكلة دى ولا انا بس وياريت تنصحونى اعمل ايه ولا اعالجها ازاى

ام بودى203 ام بودى203 947942_13.gif فتكات هايلة Fatakat 947942 القاهرة – مصر

سبحان الله و بحمده