ازيكم يا احلى فتوكات في الدنيا
من يوم ماجبتى البوتاجاز وانتى راكنة الاسياخ بتاعة الشواية اللى بتلف دى وكنتى ظالماها زيي كدة وبتقولى انها مشروع فاشل
خلاص الحمدلله جه الوقت اللى هنستخدمها فيه انشااااااااء الله
وهتعرفى تشوى بيها احلى فراخ انشااااااااء الله
والله دى طلعت اسهل من السهولة
وبدأت اشجع ماما كمان انها تستخدمها
يلا نبدأ الشرح بسرعة
ملحوظات مهمة لتوضيح الشرح
*السيخ هتعديه في الفرخة من غير ما تغرزيه ولا حاجة يعنى تعديه بس
*الشوك بس هي اللى بتتغرز علشان تثبت الفرخة وتلف مع السيخ
*الشوكة بتتفك من المسمار سهل اوى
الخطوات
1-لو السيخ فيه 4 شوك وهتعملى فرخة واحدة بس طلعى من السيخ شوكتين
هيبئو شوكتين بس كدة
2-بس كدة الفرخة بأة هتحطيها بين الشوكتين دول كدة
3-هتركبى السيخ في الرف بتاعها وهتلاقى الرف ده لازم يتحط مكان رف الشبكة في النص بالضبط علشان في عمود لازم يدخل في خرم في ظهر البوتجاز
وطبعا لو هتشوى فرختين
هتغرزى كل فرخة بين شوكتين هيبئو كدة
وياسلام لو حطيتى صنية خضار عالرف اللى تحت الفرخة بس طبعا تبئى حاطة البصل والشوربة وكل حاجة علشان ما تتحرقش بتبئى كدة
ولو هتشوى بس ومش هتحطى صنية خضار لازم تحطى صنية فاضية عالرف اللى تحت الفرخة علشان اللى هينزل منها وهى بتستوى ماينزلش في البوتجاز ويدخنهولك ويبوظه وتزعلى منى
يااااااارب أكون بسطها شوية عشان هي اسهل من كدة بكتييركمان
انا عملت موضوع اسمه "اسهل واسرع طريقة لشوى الفراخ للمستعجلة وللمبتدئة زيي بالصور" وكانت تحفة
*شويت الفرخة على درجة حرارة فرن 260 درجة من غير ماأفتح نار الشواية من الأول علشان ماتتحرقش من برة قبل ماتستوى من جوة
**بس واستوت في نصف ساعة واتأكدت لما غرزت سكينة في لحم الصدر عشان هو اللى بيغيب في السوى وبعدين فتحت نار الشواية ثوانى علشان تاخد اللون بس
والف هنا وشفا
ولو جربتيها ماتنسيش تبئى تقوليلى وتدعيلى
وعشان اسهل عليكى الدعوة
ادعيلى ربنا يتمم حملى على خير ويرزقنى فيه بالذرية الصالحة
معلش يا فتوكات
هضيف حاجات كدة للموضوع علشان الكل يستفيد
لحد ما المشرفة ترد عليا وربنا ييسر
أولا دى صورة لرف الشواية اللى بيتركب فيه السيخ
طبعا هو في الصورة مايل لكن هو بيتركب عادى زى الرف
ونسيت كمان اضيف الجزئية دى في الموضوع
ان لازم نثبت الدبابيس مع بعض والاجنحة كمان مع بعض بالخلة او نربطهم بالخيط
علشان لما تستوى ماتفكش من بعض
زى الصورة دى كدة
ودا كمان رابط موضوعى "اسهل واسرع طريقة لشوى الفراخ للمستعجلة وللمبتدئة زيي"
https://fatakat.univanet.com/#5213418
مواضيع هذا القسم برعاية
ام عبودى النونو ام عبودى النونو 1099254_11.gif فتكات رائعة Fatakat 1099254 فى بيتنا الجميل – بلدى الغالية