تخطى إلى المحتوى

عمل اجنحة الفراخ المشوية والمحمرة من مطبخى بالصور


النهاردة عملتلكم اجنحة الدجاج
المشوية والمحمرة بالبقسماط


المكونات
كيلو ونصف اجنحة الدجاج الطازة

بصلة متوسطة
حبة طماطم متوسطة
2فلفلة خضرا
ثوم
ليمونة
وطبعا ملح وفلفل وتوابل

ونضربهم كلهم فى الخلاط
ضرب مبرح حتى تنعم هههههههه
ونتبلها كويس بكل التوابل اللى نحبها

وقبل ما نتبلها تسلقيها نصف سلق


وبعدين نغطى كمية الاجنحة كلها
بالصلصة اللى عملناها
ونسيبها فى الثلاجة على الاقل
نصف ساعة

ونغطى نصف الكمية بالبقسماط
المتبل بالفلفل والملح والكمون
وشوية شطة لو حابة

وباقى الكمية نرصها فى الشواية
ونحط فى قلب الشواية شوية مية
علشان متحرقش الاجنحة وبعد ما
المية تنشف نسيبها بقى علشان الاجنحة تستوى وتنشف
وتكونى حطاها على الشعلة الصغيرة نار هادية ولومفيش شواية يبقى شواية البتوجاز او فى صينية


ودى هنا بعد ما اتحمرت بالبقسماط
شايفين لونها لان الخلطة عطياها لون جميل والطعم والله احلى ولا الريحة بتاعتها لازم ان شاء الله تجربوا بنفسكم

ودى طبعا المشويةوشكلها كمان واضح وطعمها والله العظيم لو دقتوة
احلى واطعم من الكوكى 100مرة
واحلى من الفراخ المشوية كمان

ودى صورة عن قرب

ودى ساعة التقديم
يارب تعجبكم ومتنسوش التقييم
لو عجبتكم
مواضيع هذا القسم برعاية

**شهد كلمات الرحمن** **شهد كلمات الرحمن** 175060_38.gif فتكات غالية قوي Fatakat 175060 العاشر – القاهرة

سبحان الله و بحمده

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.