السلام عليكم
انا جبت سمكه تونه فريش جميله و حبيت اعملها زى المعلبه لانى بحبها و فعلا عملتها و عايزه اشركو معايا يمكن حد يستفيد منها
1- جبت السمكه و نضفتها من جوه و قطعتها طرنشات
(نصيحه _ خلى السماك ينضفها و يقطعها لانها صعبه شويه )
2_ نقعتها فى مايه و خل و ملح و شويه دقيق نص ساعه
3- سخنت مايه على النار لحد ما غليت وحطيت فيها فصين توم مقطع شرايح + ورقه لورو + معلقه ملح + معلقه زعتر + رشه كمون
و سبتها تغلى نص ساعه على نار هاديه
( ممكن متسلقيهاش كلها خدى حتتين و شيلى الباقى فى الفريزر )
4_ و بعدين شيلتها من الحله و سيبتها تبرد و بعدين فصصتها من الشوك و خلوها قطع كبيره و حطيتها فى علبه
5_ حهزت تتبيله رائعه ( كوب زيت + كوب خل + معلقه مسترده ديجون + فصين توم مفرومين + معلقه ملح ) و نقلب كويس و
حطيتها على التونه
بس ضرورى تغطى التونه تماما
6_ تبيتيها فى التلاجه و نانى يوم تخدى حبه على قد الاكل و تشيلى الباقى فى التلاجه و بالهنا و الشفا
على فكره انا شويت جزء منها و لكن كانت سيئه جدا المسلوقه احسن بكتييييييييييير
يارب تعجبكو و اللى يجربها يقولى 
مواضيع هذا القسم برعاية
om karim@aya om karim@aya images/avatars/peppers.jpg فتكات هايلة Fatakat 797140 cairo – egypt