ازيكم ياحباااااااااايب قلبى منورين
انا الحمد لله بطبخ كل حاجه بس لحد محشى الكرنب وخيييبه موووووت
لاء وكمان جوزى مبيحبش ف جميع انواع المحاشى غير ده
وجازفت بقا وعملته وقلت استعين بالله ودورت كتيييييير ف مواضيع المحشى اللى هنا ف المدونة
وطقت بقا ف دماغى اعمله باللمون والكمون والثوم زى SOSO MIDO
عملته مره وقالت ان دى طريقه فلسطينه جزاها الله خير فعلا المحشى طلع رووووعه والله بشهاده جوزى مش انا اللى بشكر ف نفسى
ودا شكل الاكل
محشى كرنب – لحمه بالبصل – ملوخيه – سلطه – عيش
محدش يعيب بقا دى اول تجربه ليا مع المحشى هههههههههههههههه
اضحكو عليا وقولى الله حلوة يا جوجو بس متكرريهاش تانى ههههههههههههههههههههههههههههههه
انا طبعا مصورتش الخطوات لان مكنش ف بالى انزله بصراحه
بس عملت التسبيكه العاده
بصل مفروم وشوحته ف الزيت ولما اصفر ضفت له الصلصه والملح والشطه وكل التحابيش اللى بيتحبيها للمحشى بيتاعك وسبتها تتسبك شويه
وبعدين ضفت الرز المغسول مع الخضرة المغسوله والمقطعه
وقبتهم مع بعض شويه ع النار بس ورفعتها بسرررررعه
وخليتها ع جمب لحد ما سلقت الكرنب وقطعته ( وشوفت المر بقا ف الخطوة دى طلع الموضوع صعب مش عارفه ولا انا عشان مبتدئه ولا ايه )
وهنا الكرنب وهو لسه نى ( انا عمله شويه صغيرين مكترتش بصراحه عشان كده عملت خلطه اللمون والكون والثوم برضو شويه بسيييطه كده )
وهنا الخلطه بيتاعه soso medo لمون على كون على ثوم
( انا بصراحه عملت فصين توم بس ومكترتش م الغلطه دى قلت اعمل بسيط بس كاتجربه كده ف الاول )
ودا المحشى بيتاعى حبيبى من بعد ما سقيتو شوربه اللحمه مدوب فيها معلقه صلصله ومعلقه شطه (اصل بنحبه مشطشط اووووووى )
ولما اتشرب الشوربه بيتاعته ضفت له ع الوش خلطه اللمون والثوم والكمون
ودا الاكل كللللللللللللللله اهوووووووو
قيمو بقا الموضوع بالله عليكو اصل المحشى دا له طقووووس خاصه ولازمن ولابد يتقيم
ههههههههههههههههههههه دا احنا حنعمله مره ف السنه ياجدعان هههههههههههههه
يارب الاكله بجد تعجبو
وتدعو دعوه حلوة لولادى
ف حفظ الله يا حبايبى
مواضيع هذا القسم برعاية
jojo queen jojo queen فتكات ست الكل Fatakat 171568 الدوحة – قطر