السلام عليكم ورحمة الله وبركاته
حبيبات قلبى الفتوكات الحلوين الغالين اتمنى تكونوا باحسن حال يارب العالمين
ودى صورة كده تشويقيه ليس الا
بصى يا حلوة منك ليها انا بجيب اوراك الفراخ من الفرارجى وبخليه يخليهالى واقطعها واغسلها وانقعها فى مايه وخل وملح
بعدين اصفيها واتبلها ليله كامله فى
(كوب زبادى-ماية بصل-ملعقة صويا صوص-ملعقة زيت-ملعقة خل-بابريكا-زعتر-بهارات فراخ-كارى-كركم-بصل وتوم بودر-فلفل ابيض)
وقت الشوى بقى اكون مجهزة بصل وفلفل رومى وطماطم واقطعهم مكعبات واجيب الخله بتاعة الشيش وانقعها 10دقائق فى ماء علشان متتحرقش وانا بشوى
بعدين بقى اجيب الخله وادخل فيها قطعة بصل ثم قطعة فلفل ثم قطعة طماطم ثم قطعة فراخ وهكذا الى ان ينتهى المقدار
واسخن الشوايه اوووى وبعدين ارص الاسياخ واتابعها بقى لغاية لما تستوى وتقدميها مع طبق مكرونه اسباجيتى وطبق سلطه تبقى واااااااااااو جامده جدا والف هنا للى هتعملها
ودى صورة كمان من قريب اللى تعجبها طريقتى تقيمنى واللى متعجبهاش متزعلش منى
اترككم فى رعاية الله وامنه
مواضيع هذا القسم برعاية
منافسه&حب منافسه&حب 911770_2.gif فتكات رائعة Fatakat 911770 cairo – ام الدنيا
سبحان الله و بحمده