السلام عليكم ورحمة الله وبركاته
انا اول مره انزل في القسم دي موضوع يارب يعجبكم يارب
انا من فتره كان نفسي في الرقاق الطري اوي وكنت بكله من ايد جدتي الله يبارك في عمرها يارب رحت دخلت هنا ودورة عليه ورجعت قلت ما انا اتصل بجدتي واخد منها الطريقه دي فلاحه اصيله وفعلا اتصلت بيها وادتني الطريقه
المكونات
دقيق
لبن
سمنه
رشة ملح
انا مش بعمل بمقدير مش بعرف يتقلي حطي كوبايه وكده وجدتي قلتلي الطريقه من غير مقدير بس الحمد لله اتظبطت معايه
الطريقه بقا
بتعجني الدقيق بالبن وبعدين تحطي السمنه بس متكتريش سمنه وتخلي العجينه طريه
وبعد كده تقسميها كور وترصيها في طبق فيه دقيق وبعد كده تفرديها بالنشابه وتحطي تحتها دقيق وانت بتفرديها واعمليها بسمك اللي انت عاوزاه بس انا بحبها رفيعه لان الطخينه بحسها معجنه وبس يابنات انا عملتها مره علي عين البتجاز من فوق جبت صنيه وحطتها علي البتجاز وبقيت افرد الرقاق واول ما تستوي اقلبها علي الوجه التاني
بس المرادي انا عملتها علي الشوايه الكهرباء عشان انتم عرفين ازمت الانبيب وانا مش عاوزه الانبوبه تخلص يحسن الاستبن خلصة وهحتاس لو دي كمان خلصة ربنا يفكها انا صورتها ليكم
دي بعد ما حطتها بصو بتبتدي تعلي
وهنا قلبتها علي الوجه التاني
ودي لما طلعته في الطبق
ايه رأيكم لو عجبكم عاوزه تشجيع دي اول موضوع ليه
مواضيع هذا القسم برعاية
ام رؤي اللؤلؤه ام رؤي اللؤلؤه 338511_5.gif سوبر فتكات Fatakat 338511 في بيت زوجي حبيبي – مصر